నందమూరి బాలకృష్ణ ‘అన్ స్టాపబుల్’.. నాన్ స్టాప్ గా నవ్వులు పూయిస్తూ కొనసాగుతోంది. బాలయ్య బాబు హోస్టింగ్ అదిరిపోవడంతో నెక్స్ట్ ఏ గెస్ట్ రాబోతున్నారు అనేది ఆసక్తికరంగా మారుతోంది. మొదటి ఎపిసోడ్ లో మంచు ఫ్యామిలీ సందడి చేయగా.. రెండో ఎపిసోడ్ లో న్యాచురల్ స్టార్ నాని హంగామా చేశాడు. బాలయ్య బాబు పంచ్ లు, నాని జోక్ లతో ఈ ఎపిసోడ్ ఆద్యంతం ఆకట్టుకొంది. ఇక ఈ రెండు ఎపిసోడ్స్ తో ఈ షో పై అంచనాలు భారీగా పెరిగిపోయాయి. నెక్స్ట్ బాలయ్య ఎవరిని గెస్ట్ గా పిలవనున్నారు అని ఆసక్తిగా ఎదురుచూస్తున్న అభిమానులకు ఒక వార్త షాకింగ్ కి గురిచేస్తోంది.
అభిమానులను ఆశ్చర్యపరుస్తూ మూడో గెస్ట్ గా ‘అన్ స్టాపబుల్’ షో కి రౌడీ హీరో విజయ్ దేవరకొండ రాబోతున్నాడంట. బాలయ్య.. విజయ్ దేవరకొండని చిక్కు ప్రశ్నలు వేయనున్నారట. ఇక రౌడీ హీరో విజయ్ గురించి తెల్సిందే.. ముక్కు సూటితనానికి మారుపేరుగా ఉండే ఈ హీరో.. నిజాయితీకి బ్రాండ్ అంబాసిడర్ అయినా బాలయ్య అడిగే ప్రశ్నలకు తడుముకోకుండా సమాధానం చెప్తాడా..? అని అభిమానులు అనుమానం వ్యక్తం చేస్తున్నారు. ఇక ఇదే కనుక నిజమైతే ఆహా లో వచ్చిన బెస్ట్ టాక్ షో ఇదే అవ్వడం గ్యారెంటీ.. మరి ఇది ఎంతవరకు నిజమో తెలియాలంటే ఆహా వారు అధికారికంగా ప్రకటించాల్సిదే.
