Anil Ravipudi: నా కెరీర్‌లో చేసిన విభిన్న ప్రయత్నం.. నేషనల్‌ అవార్డుపై స్పందించిన అనిల్‌ రావిపూడి!

Anil Ravipudi React on National Award Win for Bhagavanth Kesariనందమూరి బాలకృష్ణ హీరోగా నటించిన ‘భగవంత్‌ కేసరి’ చిత్రంకు జాతీయ పురస్కారం దక్కింది. కేంద్ర ప్రభుత్వం ప్రకటించిన 71వ నేషనల్ ఫిల్మ్ అవార్డు 2025లో ఉత్తమ తెలుగు చిత్రంగా భగవంత్ కేసరి జాతీయ అవార్డును కైవసం చేసుకుంది. అనిల్ రావిపూడి (దర్శకత్వంలో తెరకెక్కిన ఈ చిత్రంలో శ్రీలీల, కాజల్ అగర్వాల్ కీలక పాత్రలు పోషించారు. 2023లో రిలీజ్ అయిన ఈ చిత్రం భారీ విజయాన్ని అందుకుంది. తన సినిమాకు నేషనల్‌ అవార్డు రావడంపై డైరెక్టర్ అనిల్ రావిపూడి స్పందించారు. తన కెరీర్‌లో చేసిన విభిన్న ప్రయత్నం అని పేర్కొన్నారు.

Also Read: National Film Awards 2025: ఉత్తమ నటుడు అవార్డు ఇద్దరికి.. నేషనల్‌ అవార్డ్స్‌ అవార్డ్స్ ఫుల్ లిస్ట్ ఇదే!

’71వ నేషనల్ ఫిల్మ్ అవార్డుకు గాను ఉత్తమ తెలుగు చిత్రంగా భగవంత్ కేసరిని ఎంపిక చేసిన కమిటీ, జ్యురీ సభ్యులకు ప్రత్యేక ధన్యవాదాలు. ‘బనావో బేటీకో షేర్‌’ లాంటి మంచి కాన్సెప్ట్‌తో చేసిన మా ప్రయత్నాన్ని ఇంత గొప్ప స్థాయిలో గుర్తించినందుకు చాలా ఆనందంగా ఉంది. నా కెరీర్‌లో చేసిన విభిన్న ప్రయత్నం ఇది. ప్రేక్షకులు ఆదరించారు. ఈ అవార్డు బోనస్‌. గుడ్‌ టచ్‌- బ్యాడ్‌ టచ్‌ లాంటి సున్నితమైన అంశాన్ని చూపించాం. ఇలాంటి సినిమాను ముందుకు తీసుకెళ్లడానికి బాలకృష్ణ గారు ముందుగా నిలబడ్డారు. బాలయ్య బాబుకి ప్రత్యేక కృతజ్ఞతలు. అలానే మా టీమ్ అందరికి ధన్యవాదాలు. మేం చాలా సంతోషంగా ఉన్నాము, సంబురాలు చేసుకుంటున్నాము’ అని అనిల్ రావిపూడి చెప్పుకొచ్చారు.

BANAO BETI KO SHER 🙏🏻🙏🏻🙏🏻

With your immense love and support, this message now echoes nationwide as #BhagavanthKesari bag the Best Film Award at the 71st National Film Awards 🇮🇳

Heartfelt thanks to the respected jury for recognizing our effort, and deepest gratitude to… pic.twitter.com/21c3KDgzWy

— Anil Ravipudi (@AnilRavipudi) August 1, 2025