Animal: యానిమల్ కా బాప్.. అంటే ఈ రేంజ్ లోనే ఉండాలి

Animal: అర్జున్ రెడ్డి సినిమాతో ఇండస్ట్రీ తలరాతనే మార్చేసిన డైరెక్టర్ సందీప్ రెడ్డి వంగా. ఆయన దర్శకత్వంలో తెరకెక్కుతున్న చిత్రం యానిమల్. రణబీర్ కపూర్, రష్మిక జంటగా నటిస్తున్న ఈ చిత్రాన్ని గుల్షన్ కుమార్ ప్రజెంట్ చేస్తుండగా.. భూషణ్ కుమార్ నిర్మిస్తున్నాడు. ఇక ఈ సినిమా నుంచి రిలీజైన పోస్టర్స్, స్పెషల్ వీడియో ప్రేక్షకులను విశేషంగా ఆకట్టుకున్నాయి. మొదటి నుంచి కూడా ఈ సినిమాపై అంచనాలు ఆకాశాన్ని తాకుతున్నాయి. ప్రతి పోస్టర్, ప్రతి వీడియోతో ఆ అంచనాలను ఇంకా పెంచేస్తున్నాడు సందీప్ రెడ్డి వంగా. తాజాగా ఈ సినిమా నుంచి అనిల్ కపూర్ పోస్టర్ ను మేకర్స్ రిలీజ్ చేశారు. యానిమల్ కా బాప్.. బల్బీర్ సింగ్ గా అనిల్ కప్పూర్ కనిపించనున్నాడని మేకర్స్ తెలిపారు. ఇక ఈ పోస్టర్ లో అనిల్ సైతం చెప్పినట్టే యానిమల్ కా బాప్ లానే ఉన్నాడు.

Vijay Antony: నా కూతురుతో పాటు నేనూ చనిపోయాను.. విజయ్ సంచలన ట్వీట్

ఒంటినిండా గాయాలతో.. చేతిలో ఫోన్ పట్టుకొని సీరియస్ లుక్ తో కనిపించాడు. అనిల్ కపూర్ .. రణబీర్ కపూర్ కు తండ్రిగా నటిస్తున్నట్లు తెలుస్తోంది. ఈ చిత్రంలో రణబీర్ మూడు విభిన్నమైన పాత్రల్లో కనిపించనున్నాడని టాక్. ఒక సాధారణ యువకుడు యానిమల్ గా ఎలా మారాడు ..? అతను యానిమల్ గా మారాల్సిన పరిస్థితులు ఎవరు కల్పించారు అనేది కథగా తెలుస్తోంది. ప్రస్తుతం ఈ పోస్టర్ నెట్టింట వైరల్ గా మారింది. ఇక యానిమల్ టీజర్ ను సెప్టెంబర్ 28 న రిలీజ్ చేయనున్నట్లు మేకర్స్ తెలిపారు. పాన్ ఇండియా సినిమాగా యానిమల్ డిసెంబర్ 1 న ప్రేక్షకుల ముందుకు రానుంది. మరి ఈ సినిమాతో సందీప్ రెడ్డి వంగా ఎలాంటి రికార్డ్ సృష్టిస్తాడో చూడాలి.