Vijay Antony: నా కూతురుతో పాటు నేనూ చనిపోయాను.. విజయ్ సంచలన ట్వీట్
- Follow Us :
-
-
Add as a preferred
source on google
Vijay Antony: కోలీవుడ్ నటుడు విజయ్ ఆంటోనీ పెద్ద కూతురు మీరా ఆంటోనీ ఆత్మహత్య చేసుకొని మృతి చెందిన విషయం తెల్సిందే. డిప్రెషన్, స్ట్రెస్ తట్టుకోలేక 16 ఏళ్ళ మీరా ఇంట్లో ఉరి వేసుకొని మృతి చెందింది. ఈ ఘటన ఇండస్ట్రీ మొత్తాన్ని కుదిపేసింది. అపురూపంగా పెంచుకున్న కూతురు విగతజీవిగా పడిఉండడంతో తల్లిదండ్రులైన విజయ్, ఫాతిమా గుండెలు పగిలేలా ఏడ్చారు. వారి పరిస్థితి చూసి ప్రతి ఒక్కరు కంటనీరు పెట్టుకున్నారు. ఇక కూతురు మృతి చెందిన దగ్గరనుంచి ఇప్పటివరకు కూడా విజయ్.. మాట్లాడింది లేదు. ఆయన మీరా మారణాన్ని తట్టుకోలేకపోతున్నట్లు తెలుస్తుంది. దాదాపు మూడు రోజుల తరువాత విజయ్ ఆంటోని మొదటిసారి మీరా మరణంపై స్పందించాడు. ట్విట్టర్ ద్వారా తన బాధను తెలియజేశాడు.
“ప్రియమైన స్నేహతులారా,నా కూతురు మీరా చాలా ప్రేమగా, ధైర్యంగా ఉంటుంది. కులం, మతం, డబ్బు, అసూయ, బాధ, పేదరికం మరియు ద్వేషం ఈ ప్రపంచం కంటే మెరుగైన ప్రశాంతమైన ప్రదేశానికి ఆమె ఇప్పుడు వెళ్ళింది.ఆమె నాతో మాట్లాడుతోంది. నేను ఆమెతో పాటే చనిపోయాను. నేను ఇప్పుడు ఆమె కోసం సమయాన్ని వెచ్చిస్తున్నాను. ఇప్పటినుంచి ఏది చేసినా ఆమె కోసమే చేస్తాను.. ఇకనుంచి నేను చేయబోయే మంచి పనులన్నీ ఆమె పేరు మీదనే ప్రారంభిస్తాను” అంటూ రాసుకొచ్చాడు. ప్రస్తుతం ఈ ట్వీట్ నెట్టింట వైరల్ గా మారింది. ఈ ట్వీట్ పై అభిమానులు తమదైన రీతిలో స్పందిస్తున్నారు. మంచి నిర్ణయం తీసుకున్నారు అని కొందరు.. మీకు దైర్యం, సహనం ఇవ్వాలని ఆ దేవుడ్ని ప్రార్థిస్తున్నట్లు అభిమానులు కామెంట్స్ పెడుతున్నారు.
— vijayantony (@vijayantony) September 21, 2023