Kalyan Ram: ‘అమిగోస్’లో బాబాయ్ పాటని రీమిక్స్ చేసాం… టైటిల్ క్లాస్, సినిమా మాస్

నందమూరి కళ్యాణ్ రామ్ ‘బింబిసార’ సినిమాతో సూపర్ హిట్ అయ్యింది. కళ్యాణ్ రామ్ ని లైమ్ లైట్ లోకి తెచ్చిన ఈ మూవీ నందమూరి ఫాన్స్ లో ఆనందాన్ని పెంచింది. ఇదే జోష్ ని కంటిన్యు చేస్తూ కళ్యాణ్ రామ్ ‘అమిగోస్’ సినిమాతో ప్రేక్షకులని పలకరించబోతున్నాడు. ఫిబ్రవరి 10న ఆడియన్స్ ముందుకి రానున్న ఈ మూవీపై మాస్ ఆడియన్స్ కి కొన్ని డౌట్స్ ఉన్నాయి, ఆ డౌట్స్ ని క్లియర్ చెయ్యడానికి మేకర్స్ ఒక ప్రమోషనల్ వీడియో చేశారు. అమిగోస్ మూవీ క్లాస్ సినిమానా? లేక మాస్ సినిమానా? అనే అనుమానాన్ని క్లియర్ చేస్తూ… “పేరుకే ఇది క్లాస్ సినిమా, నందమూరి అభిమానులకి నచ్చే మాస్ ఎలిమెంట్స్ అన్ని అమిగోస్ లో ఉన్నాయి. ఇందులో ఒకేలా ఉన్న ముగ్గురు వ్యక్తులు ఎలా కలిసారు? వాళ్లు స్నేహితులు ఎలా అయ్యారు? అసలు ఈ ముగ్గురి కథ ఏంటి?” అనే అంశాలు అమిగోస్ సినిమాలో స్పెషల్ గా ఉంటాయని ఈ ప్రమోషనల్ వీడియోలో కళ్యాణ్ రామ్ క్లారిటీ ఇచ్చేశాడు. నందమూరి అభిమానులకి మరింత కిక్ ఇస్తూ… అమిగోస్ సినిమాలో బాలయ్య బాబాయ్ సూపర్ హిట్ పాటని రీమిక్స్ చేస్తున్నాం అని కూడా లీక్ ఇచ్చేశాడు.

ఆ సాంగ్ ఏంటో గెస్ చెయ్యమని అడిగాడు కానీ వీడియో ఎండింగ్ లో కళ్యాణ్ రామ్ పాటని హమ్ చేసిన సౌండ్ ని బట్టి, అది ‘ధర్మ క్షేత్రం’ సినిమాలోని పాట అని తెలుస్తుంది. బాలకృష్ణ, దివ్యభారతి హీరో హీరోయిన్లుగా నటించిన ధర్మక్షేత్రం సినిమాలో “ఎన్నో రాత్రులు వస్తాయి గానీ రాదీ వెన్నెలమ్మ” అనే సాంగ్ అప్పట్లో ఒక సెన్సేషన్. ఇళయరాజా కంపోజ్ చేసిన ట్యూన్ కి తెలుగు సాహిత్య లెజెండ్స్ అయిన వేటూరి గారు, సిరి వెన్నెల సీతారామశాస్త్రి గారు కలిసి లిరిక్స్ రాశారు. బాలు, జానకి, మనో, చిత్ర లాంటి బ్యూటిఫుల్ సింగర్స్ కలిసి “ఎన్నో రాత్రులు వస్తాయి గానీ రాదీ వెన్నెలమ్మ” సాంగ్ ని స్పెషల్ గా మార్చారు. నైట్ ఎఫెక్ట్ లో కంపోజ్ చేసిన ఈ సాంగ్ ని ఇప్పుడు కళ్యాణ్ రామ్ ‘అమిగోస్’ సినిమా కోసం రీమిక్స్ చేస్తున్నాడు. థియేటర్స్ లో ఈ సాంగ్ ప్లే అయితే ఆడియన్స్ కూడా హమ్ చేసే ఛాన్స్ ఉంది. అయితే ఇళయరాజా మ్యాజిక్ కి యంగ్ మ్యూజిక్ డైరెక్టర్ ఘిబ్రాన్ మ్యాచ్ చెయ్యగలడా అనేది ఆలోచించాల్సిన విషయమే.

కళ్యాణ్ రామ్ నటించిన పటాస్ సినిమాలో కూడా బాలకృష్ణ హిట్ సాంగ్ అయిన ‘అరేయ్ ఓ సాంబ’ సాంగ్ ని రీమిక్స్ చేశాడు. ఈ పాటని థియేటర్స్ లో చూసిన నందమూరి ఫాన్స్ విజిల్స్ వేశారు. మరోసారి ఆ మ్యాజిక్ ని అమిగోస్ సినిమా రిపీట్ చేస్తుందేమో చూడాలి. రాజేంద్ర రెడ్డి డైరెక్ట్ చేస్తున్న అమిగోస్ సినిమాలో అషిక రంగనాథ్ హీరోయిన్ గా నటిస్తోంది. మైత్రీ మూవీ మేకర్స్ అమిగోస్ మూవీని ఫిబ్రవరి 10న ఆడియన్స్ ముందుకి తీసుకోని వస్తున్నారు.

#Amigos class cinema na? Mass Cinema na?

Who is a Doppelganger 🤔@NANDAMURIKALYAN explains it all to all his fans ❤‍🔥
&
Don't miss the ending 🤩🤩

– https://t.co/8ewBOzQAWg@AshikaRanganath @RajendraReddy_ @GhibranOfficial @saregamasouth pic.twitter.com/2HMcerWbTV

— Mythri Movie Makers (@MythriOfficial) January 25, 2023