‘గాడ్ ఫాదర్’ కు డేట్స్ ఇచ్చిన సల్మాన్ ఖాన్!

ప్రస్తుతం సినీ ఇండస్ట్రీలో పాన్ ఇండియా సినిమాలు, మల్టీ స్టారర్ సినిమాల పోకడ కనిపిస్తోంది. అరుదైన కలయికతో సినిమాలు వస్తున్నాయి. హీరోలు కూడా తమ పరిధిని, మార్కెట్ ను పెంచుకుంటారు. తాజాగా కండల వీరుడు సల్మాన్ ఖాన్ సైతం టాలీవుడ్ సినిమాపై కన్నేశాడు. మెగాస్టార్ చిరంజీవితో కలిసి పనిచేసేందుకు సిద్ధమైయ్యాడు. ప్రస్తుతం చిరు ‘లూసిఫర్’ సినిమాను రీమేక్ చేస్తోన్న సంగతి తెలిసిందే. దీనికి ‘గాడ్ ఫాదర్’ అనే టైటిల్ ఫిక్స్ చేశారు. ఒరిజినల్ వెర్షన్ లో పృథ్వీరాజ్ చేసి క్యామియో రోల్ ను తెలుగులో సల్మాన్ చేస్తాడని జోరుగా ప్రచారం సాగుతోంది.

అయితే తాజా సమాచారం మేరకు సల్మాన్ ఖాన్ ‘లూసిఫర్’ సినిమాలో దాదాపు ఖరారు అయినట్టుగా తెలుస్తోంది. ఇందుకోసం ఆయన డేట్స్ కూడా ఇచ్చాడట. సల్మాన్ ఖాన్ తెలుగులో మొదటి సినిమానే చిరంజీవితో చేయడం ఆయన సౌత్ మార్కెట్ కు కలిసొచ్చే అంశమే.. ఇక సల్మాన్ ఖాన్ కు, మెగాస్టార్ చిరంజీవి ఫ్యామిలీకి మధ్య మంచి అనుబంధం ఉంది. ఆ అనుబంధం కారణంగానే సల్మాన్ ఖాన్ చిరు సినిమాలో నటించడానికి అంగీకరించారు. ఇక ప్రస్తుతం ‘గాడ్ ఫాదర్’ చిత్రం చిత్రీకరణ హైదరాబాద్ లో శరవేగంగా జరుగుతోంది. మోహన్ రాజా దర్శకత్వం వహిస్తున్నారు.