Allu Sirish: బన్నీ బ్రదర్.. మరో రీమేక్.. ?

Allu Sirish: అల్లు కుటుంబం నుంచి వచ్చిన హీరోల్లో అల్లు శిరీష్ ఒకరు. టాప్ ప్రొడ్యూసర్ అల్లు అరవింద్ చిన్న కొడుకుగా.. స్టైలిష్ స్టార్ అల్లు అర్జున్ తమ్ముడిగా గౌరవం సినిమాతో తెలుగుతెరకు పరిచయమయ్యాడు అల్లు శిరీష్. మొదటి సినిమా రిలీజ్ కాకముందే బన్నీ తమ్ముడిగా మంచి పేరు తెచ్చుకున్నా.. సినిమా మాత్రం అట్టర్ ప్లాప్ గా నిలిచింది. అయినా శిరీష్ ఎక్కడా తగ్గకుండా వరుస సినిమాలతో ప్రేక్షకులను అలరించడానికి ప్రయత్నిస్తూనే ఉన్నాడు. కొత్త జంట, ఒక్క క్షణం, ఏబీసీడీ, శ్రీరస్తు శుభమస్తు, ఊర్వశివో రాక్షసీవో లాంటి సినిమాలతో ప్రేక్షకులను అలరించాడే కానీ హిట్ మాత్రం సొంతం చేసుకోలేకపోయాడు. కొడుకును నిలబెట్టడానికి అల్లు అరవింద్, తమ్ముడు కోసం అల్లు అర్జున్ సైతం బాగానే సపోర్ట్ చేస్తున్నారు. ఇక ఈ నేపథ్యంలోనే అల్లు శిరీష్ తన కొత్త సినిమాతో ప్రేక్షకుల ముందుకు రానున్నాడు. ఆ విషయాన్నీ చెప్తూ శిరీష్ ఒక పోస్ట్ పెట్టాడు.

Sai Pallavi: సాయి పల్లవి నా క్రష్.. బాలీవుడ్ నటుడు కామెంట్స్ వైరల్

” నా తదుపరి చిత్రంలో నేను.. నా కో స్టార్. మా ఫస్ట్ లుక్, గ్లింప్స్ రేపు అనగా మే 30 న సాయంత్రం 4 గంటలకు రివీల్ చేస్తాం.. సిద్ధంగా ఉండండి” అంటూ చెప్పుకొచ్చాడు. ఇక పోస్టర్ లో మెట్రో ట్రైన్ లో శిరీష్.. ఓకే టెడ్డీ నిలబడినట్లు కనిపిస్తుంది. ఇక ఈ పోస్టర్ ను బట్టి.. శిరీష్ మరో రీమేక్ కు సిద్ధమయ్యాడని తెలుస్తోంది. కోలీవుడ్ స్టార్ హీరో ఆర్య, అతని భార్య సయేషా జంటగా నటించిన చిత్రం టెడ్డీ. శక్తి సౌందర్‌ రాజన్‌ దర్శకత్వం వహించిన ఈ సినిమా 2021 లో రిలీజ్ అయ్యింది కానీ, ఆశించిన ఫలితాన్ని అందుకోలేకపోయింది. ఇక చూచాయిగా ఈ కథ గురించి చెప్పాలంటే.. ఒక ఇంట్రోవర్ట్ అయినా యువకుడుకు ఒక టెడ్డీ దొరుకుతుంది. అయితే అది మాట్లాడడం చూసి ఆశ్చర్యపోతారు. ఆ టెడ్డీలో హీరోయిన్ ఆత్మ ఉండడం వలన అది మాట్లాడుతుందని అర్ధమవుతుంది. అసలు హీరోయిన్ కు ఏమైంది..? ఎందుకు టెడ్డీలో ఆత్మ వెళ్ళింది..? దాని వెనుక ఉన్న మిస్టరీ ఏంటి అనేది కథ. ప్రస్తుతం శిరీష్ పోస్టర్ కూడా సేమ్ టెడ్డీ పోస్టర్ లానే ఉంది. మరి ఈ రెండు సినిమాలు ఒకటేనా..? లేక శిరీష్ ఏమైనా కొత్తగా చెప్తున్నాడా..? అనేది చూడాలి.

Me & my co-star from my next film! Will be sharing the first look & glimpse tomorrow, 30th May at 4:05pm. Stay tuned! ♥️ pic.twitter.com/GBXDTxpWpN

— Allu Sirish (@AlluSirish) May 29, 2023