Allari Mogudu: 30 ఏళ్ళ ‘అల్లరి మొగుడు’
- Follow Us :
-
-
Add as a preferred
source on google
కె.రాఘవేంద్రరావు, ఆయన అన్న కె.కృష్ణమోహనరావు కలసి తమ ఆర్.కె.అసోసియేట్స్ పతాకంపై టాప్ స్టార్స్ తో పలు చిత్రాలు తెరకెక్కించారు. మోహన్ బాబుతో వారు నిర్మించిన ‘అల్లరి మొగుడు’ చిత్రం భలేగా అలరించింది. ఈ చిత్రానికి కె.రాఘవేంద్రరావే దర్శకత్వం వహించారు. 1992 ఫిబ్రవరి 14న ‘అల్లరి మొగుడు’ జనం ముందు నిలచి, వారి మనసులు గెలిచింది.
‘అల్లరి మొగుడు’ కథ ఏమిటంటే- గోపాల్ హార్మోనియం చేతపట్టుకొని పట్నం చేరతాడు. అతనికి తబలా వాయించే సత్యం తోడవుతాడు. వారిద్దరూ కలసి ‘సూర్య మ్యూజిక్’ సంస్థ నిర్వహించే పోటీల్లో పాల్గొనాలని ప్రయత్నిస్తారు. కానీ, ప్రవేశం లభించదు. ఓ సందర్భంలో ఆ సంస్థ యజమాని మోహన పరిచయం అవుతుంది. ఆమె వల్ల వారు పోటీలో ఓ సంగీతమేధావిని ఓడిస్తారు. దాంతో గోపాల్ తో పాటలు పాడిస్తూ మంచి లాభాలు చూస్తారు సూర్య సంస్థ వారు. తాను ప్రేమించిన నీలాంబరిని పెళ్ళాడాలని ఊరెళతాడు. ఆమె చనిపోయిందని తెలిసి బాధపడతాడు గోపాల్. తరువాత సూర్య కంపెనీ ఓనర్ కూతురు మోహనను పెళ్ళాడతాడు. అదే సమయంలో నీలాంబరి బ్రతికి ఉందన్న సత్యం తెలుస్తుంది. ఓ ఇల్లు తీసుకొని అందులో నీలాంబరితో కాపురం పెడతాడు. అటు నీలాంబరి, ఇటు మోహన మధ్య గోపాల్ నలిగిపోతాడు. వారికోసం ఇద్దరిలా నటిస్తూ ఉంటాడు. చివరకు నిజం తెలిసి పోతుంది. గోపాల్ ఇద్దరు భార్యలకూ పిల్లలు పుడతారు. దాంతో గోపాల్ భార్యలు అతణ్ణి క్షమించడంతో కథ ముగుస్తుంది.
Also Read
- Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
- OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
- Renu Desai: 'ఓం' ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
- Janta Movie: మెగా హీరో 'జంట' సెన్సేషనల్ క్యాప్షన్ వెనుక అసలు కథ ఇదే!!
నీలాంబరిగా మీనా, మోహనగా రమ్యకృష్ణ నటించిన ఈ చిత్రంలో సత్యనారాయణ, బ్రహ్మానందం, క్యాస్ట్యూమ్ కృష్ణ, నగేశ్, సోమయాజులు, ప్రసాద్ బాబు, రామిరెడ్డి నటించారు. ఈ చిత్రానికి ఎమ్,.ఎమ్.కీరవాణి సంగీతం సమకూర్చగా, “అబ్బా నను గన్న అమ్మబాబు…” పాటను భువనచంద్ర రాశారు. “నీలిమబ్బు నురగలో…” అంటూ సాగే పాటను కీరవాణి అందించారు. ఇక ఇందులోని “భమ్ చిక భమ్ చేయి బాగా… వంటికి మంచిదేగా యోగా…”, “నా పాట పంచామృతం…”, “రేపల్లె మళ్ళీ మురళి విన్నది…”, “ముద్దిమ్మంది ఓ చామంతి…” పాటలను సీతారామశాస్త్రి పలికించారు. ఈ చిత్రం మ్యూజికల్ గానూ మంచి విజయం సాధించింది. మొదటి వారంలో కన్నా తరువాతి వారాలలో మిన్నగా జనాన్ని ఆకట్టుకుంది. పోటీ చిత్రాలకన్నా తనదే పైచేయి అని చాటుకుంది. ఘనవిజయం సాధించింది.
‘అల్లరి మొగుడు’ చిత్రం మోహన్ బాబుకు స్టార్ గా మరింత పేరు సంపాదించి పెట్టింది. ఇందులోని హాస్యం జనానికి కితకితలు పెట్టింది. ఈ చిత్రాన్ని తమిళంలో రజనీకాంత్ హీరోగా ‘వీరా’ పేరుతో రీమేక్ చేశారు. కన్నడలో రవిచంద్రన్ తో ‘గడిబిడి గండ’గా తెరకెక్కించారు. హిందీలో గోవిందతో ‘సాజన్ చలే ససురాల్’గా గా రూపొందించారు. అన్ని చోట్ల గిలిగింతలు పెట్టింది. ఈ చిత్రానికి సీక్వెల్ గా 2015లో ‘మామ మంచు – అల్లుడు కంచు’ను దర్శకుడు శ్రీనివాసరెడ్డి తెరకెక్కించారు ఇందులోనూ మోహన్ బాబు మామగా, ఆయన భార్యలుగా మీనా, రమ్యకృష్ణ నటించారు. అల్లుడుగా నరేశ్ అభినయించారు.
తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!