Multi-Starrer Movies : ఆ ఇండస్ట్రీలో రాబోయే భారీ సినిమాలన్నీ మల్టీస్టారర్లే..

సౌత్ ఇండస్ట్రీలో మాలీవుడ్ సంథింగ్ డిఫరెంట్. కన్విన్సింగ్ కథ, థ్రిల్ చేసే కథనాలతో ఆశ్చర్య పరచడమే కాదు. మల్టీస్టారర్ చిత్రాలతో మంచి హిట్స్ నమోదు చేస్తుంది. గత ఏడాది వచ్చిన లూసిఫర్2, లోక ఎలాంటి రికార్డ్స్ క్రియేట్ చేశాయో చెప్పనక్కర్లేదు. ఈ ఇయర్ కూడా కొన్ని క్రేజీ మల్టీస్టారర్ చిత్రాలు రాబోతున్నాయి. అయితే ఈ ఏడాది మాలీవుడ్‌లో మరికొన్ని క్రేజీ మల్టీస్టారర్ చిత్రాలు ప్రేక్షకుల ముందుకు రాబోతున్నాయి.

Also Read : Naari Naari Naduma Murari : బాలయ్య ముహూర్తం.. భారీ పోటీలో బ్లాక్ బస్టర్ కొట్టిన శర్వానంద్

ఐకానిక్ స్టార్స్ మమ్ముట్టి, మోహన్ లాల్‌ నటించిన పేట్రియాట్ ఈ ఏడాదే రిలీజ్ కాబోతుంది. 18 ఏళ్ల తర్వాత ఈ ఇద్దరు కలిసి ఒకే సినిమాలో నటిస్తున్నారు. మహేష్ నారాయణన్ దర్వకత్వంలో వస్తున్న ఈ సినిమాకు మరో ఇద్దరు స్టార్ హీరోలు ఫహాద్ ఫజిల్, కుంచికో బొబన్ అదనపు ఆకర్షణ. నయనతార హీరోయిన్‌గా నటిస్తున్న ఈ సినిమా విషు ఫెస్టివల్ సందర్భంగా ఏప్రిల్ నెలలో రిలీజ్ చేసేందుకు ప్లాన్ చేస్తున్నారు.  మాలీవుడ్ బిగ్గెస్ట్ బడ్జెట్ సినిమాగా పేట్రియాట్ గా రాబోతుంది.

Also Read :  Asin : గజనీ సినిమా హీరోయిన్ ఆసిన్.. ఇప్పుడు ఎలా ఉందొ తెలుసా?

ఇక టొవినో థామస్, బాసిల్ జోసెఫ్, వినీత్ శ్రీనివాసన్ హీరోలుగా నటిస్తున్న ఫిల్మ్ ‘అతిరథి’. అరుణ్ అనిరుధన్ దర్శకుడిగా వ్యవహరిస్తున్న ఈ సినిమాను పాన్ ఇండియాగా రిలీజ్ చేసేందుకు ప్లాన్ చేస్తున్నారు. సమ్మర్‌లో ప్రేక్షకుల ముందుకు రాబోతోంది ఈ మూవీ. అలాగే లూసిఫర్2లో నటించిన మోహన్ లాల్, పృధ్వీరాజ్ సుకుమారన్ మరోసారి ఖలీఫా కోసం కొలబరేట్ కాబోతున్నారు. ఈ సినిమాను టూ పార్ట్స్‌గా తెరకెక్కిస్తున్నారు. ఖలీఫా వన్ ఈ ఏడాదే రిలీజ్ కాబోతోంది. ఇలా స్టార్ హీరోలందరూ కలిసి బిగ్గెస్ట్ మల్టీస్టారర్స్ సినిమాలతో ప్రేక్షకుల ముందుకు రాబోతున్నారు.