Alia Bhatt : క్రేజీ ప్రాజెక్ట్స్ ను లైన్ లో పెడుతున్న ఆలియా భట్

ఆర్ఆర్ఆర్ తో టాలీవుడ్ ఆడియన్స్ ని ఫిదా చేసిన బ్యూటీ ఆలియా భట్ దీని తర్వాత మరో తెలుగు సినిమా చేయలేదు. కానీ ఆమె వెనుక ముందు వచ్చిన భామలు కియారా అద్వానీ త్రీ మూవీస్ తో టాలీవుడ్ ఆడియ న్స్ కు దగ్గరై కూర్చొంది. ప్రభాస్ కల్కితో దీపికా పదుకొనే కూడా టాలీవుడ్ లో జెండా పాతింది. ఆమె వెనుక వచ్చిన జూనియర్ జాన్వీ కపూర్ కూడా దేవరతో తెలుగు ఆడియన్స్ హృదయాలను కొల్లగొట్టింది. హాలీవుడ్ చెక్కేసిన బాలీవుడ్ బ్యూటీ ప్రియాంక చోప్రా కూడా టాలీవుడ్ వైపు చూస్తుంటే అలియా తెలుగుపై ఫోకస్ చేసేందుకు రెడీ అవుతొందని టాక్.

Also Read : BuchiBabu Sana : రామ్ చరణ్ సినిమా గురించి ఆలోచించాల్సిన అవసరం లేదు

ప్రెజెంట్ అమ్మడి చేతిలో క్రేజీ బాలీవుడ్ ప్రాజెక్టులున్నాయి. యష్ రాజ్ ఫిల్మ్స్ తెరకెక్కిస్తోన్న హై బడ్జెట్ మూవీ ఆల్ఫాలో నటిస్తోంది. ఆల్ఫా షూటింగ్ శరవేగంగా జరుగుతోంది. ఈ క్రిస్మస్ బరిలో నిలవనుంది. ప్రముఖ డైరెక్టర్ సంజయ్ లీలా భన్సాలీ తెరకెక్కిస్తోన్న లవ్ అండ్ వార్ లో కనిపించబోతోంది అమ్మడు. ఇందులో హస్బెండ్ రణబీర్ కపూర్, విక్కీ కౌశల్ తో స్క్రీన్ షేర్ చేసుకోబోతోంది. ఇప్పుడు తెలుగు దర్శకుడితో చర్చలు మొదలుపెట్టిందట. కల్కితో బాలీవుడ్ చూపు తన వైపు తిప్పుకున్న నాగ్ అశ్విన్ తో సినిమాను లైన్లో పెడుతోందని టాక్. కల్కి పార్ట్ 2 తీయడానికి ముందు అశ్విన్ అలియాతో సినిమా చేయబోతున్నాడని ఎప్పటి నుండో టాక్ నడుస్తోంది. ఈ మధ్య కాలంలో ఈ రూమర్ మరింత ఊపందుకుంది. అలియా, అశ్విన్ మధ్య చర్చలు జరిగాయని, మేటర్ లీక్ కాకుండా జాగ్రత్త పడుతున్నారని సమాచారం.