Salaar: ఆ విషయంలో ఆర్ ఆర్ ఆర్ తర్వాత డైనోసర్ మాత్రమే…
దర్శక ధీరుడు రాజమౌళి, యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ తేజ్ కలిసి చేసిన ఎపిక్ యాక్షన్ డ్రామా ‘ఆర్ ఆర్ ఆర్’. ఈ సినిమాతో ఇండియన్ ఫిల్మ్ గ్లోరీ ఏంటో ప్రపంచానికి తెలిసింది. ఆస్కార్ ని ఇండియాకి తెచ్చిన ఈ మూవీ, మన ఇండియన్ బాక్సాఫీస్ దగ్గర 1200 కోట్లకి కలెక్ట్ చేసింది. ఓటీటీలో రిలీజైన తర్వాత ఆర్ ఆర్ ఆర్ సినిమా క్రియేట్ చేసిన సెన్సేషన్ అంతాఇంతా కాదు. ఎన్టీఆర్ ట్రక్ లో నుంచి దూకే ఇంటర్వెల్ సీన్ వైరల్ అయిన దగ్గర నుంచి వెస్ట్రన్ ఆడియన్స్ మొత్తం ఆర్ ఆర్ ఆర్ సినిమాని ఆకాశానికి ఎత్తేసారు. ఇప్పుడు ఆర్ ఆర్ ఆర్ రేంజ్ ఇంపాక్ట్ ని క్రియేట్ చేస్తుంది సలార్ సినిమా.
డైనోసర్ ప్రభాస్… ప్రశాంత్ నీల్ కాంబినేషన్ లో తెరకెక్కిన సలార్ సినిమా డిసెంబర్ 22న ఆడియన్స్ ముందుకి వచ్చి సూపర్ హిట్ అయ్యింది. వరల్డ్ వైడ్ 750 కోట్లకి పైగా కలెక్ట్ చేసిన ఈ మూవీ ఇటీవలే ఓటీటీలోకి వచ్చేసింది. నాలుగు వారాల్లోనే సలార్ ని ఓటీటీ స్ట్రీమింగ్ కి ఎందుకు ఇచ్చారు అంటూ ప్రభాస్ ఫ్యాన్స్ సోషల్ మీడియాలో ట్వీట్స్ కూడా చేసారు. సలార్ సినిమా ఓటీటీలోకి త్వరగా వచ్చేసింది అనే మాట నిజమే అయితే ఓటీటీలోకి వచ్చిన తర్వాత మాత్రం థియేటర్స్ లో చేసిన సౌండ్ కన్నా ఎక్కువ సౌండ్ చేస్తుంది. సలార్ సినిమా ఓటీటీలో చూసిన వెస్ట్రన్ ఆడియన్స్… ప్రభాస్ కి ఎలివేషన్స్ ఇచ్చే పనిలో ఉన్నారు. సోషల్ మీడియా ఓపెన్ చేస్తే చాలు… #SalaarGoesGlobal అనే ట్యాగ్ తో వెస్ట్రన్ ఆడియన్స్ వేస్తున్న ట్వీట్స్ మాత్రమే కనిపిస్తున్నాయి. అంతలా అక్కడి ఆడియన్స్ ని తన స్క్రీన్ ప్రెజెన్స్ తో అట్రాక్ట్ చేసిన ప్రభాస్… నెక్స్ట్ కల్కి 2898 AD సినిమాతో ఎలాంటి సెన్సేషన్ క్రియేట్ చేస్తాడో చూడాలి.