సోనియా అగర్వాల్.. ‘7/జి బృందావన కాలనీ’ చిత్రంతో ప్రేక్షకుల మనస్సులో అనితగా గుర్తుండిపోయింది. టాలీవుడ్ లో హీరోయిన్ గా సోనియా చేసింది ఒక్క సినిమానే అయినా ఇప్పటికి ఆమెను తెలుగు ప్రేక్షకులు గుర్తిస్తూనే ఉన్నారు. ఇక 2006 లో తమిళ్ డైరెక్టర్ సెల్వరాఘవన్ ని ప్రేమించి పెళ్లి చేసుకున్న ఈ భామ కాపురంలో తలెత్తిన విభేదాల వాలా అతనికి విడాకులు ఇచ్చి ప్రస్తుతం ఒంటరిగా ఉంటోంది.
ఇక పెళ్లి తరువాత సెకండ్ ఇన్నింగ్స్ లో క్యారెక్టర్ ఆర్టిస్ట్ గా టెంపర్ చిత్రంలో తళ్లుకున్న మెరిసి మరోసారి హాట్ టాపిక్ గా మారింది. ఆ తరువాత మరికొన్ని సినిమాల్లో అమ్మడు కనిపించినా అంతగా స్కోప్ లేదన్న మాట వాస్తవం. ఇకపోతే సోనియా రెండో పెళ్లి చేసుకోబోతుందన్న వార్తలు ప్రస్తుతం కోలీవుడ్ లో హాట్ టాపిక్ గా మారాయి. గత కొన్ని రోజుల నుంచి సోనియా , తమిళ్ డైరెక్టర్ ప్రేమలో పడిందని, త్వరలోనే వారిద్దరూ పెళ్లి చేసుకోబోతున్నారనే వార్తలు గుప్పుమన్నాయి. గతంలో కూడా సోనియా పెళ్లి వార్తలు సంచలనంగా మారిన సంగతి తెలిసిందే.. మరి ఈ వార్తల్లో నిజమెంత ఉందో తెలియాలంటే సోనియా స్పందించాల్సిందే.
