Vitamin Deficiency: రాత్రంతా నిద్రపోయినా అలసటగా ఉందా? మీ శరీరంలో ఈ సమస్య ఉండొచ్చు.

Vitamin Deficiency: రాత్రి నిద్ర బాగా పడుతున్నప్పటికీ, కొందరు ఉదయాన్ని మళ్లీ అలసటగా ఫీల్ అవుతుంటారు. తరుచుగా గోర్లు విరిగిపోవడం, జుట్టు రాలిపోవడం వంటి లక్షణాలను సాధారణ సమస్యలుగా భావిస్తుంటారు. అయితే, ఇవి శరీరంలో విటమిన్స్, ఖనిజాల లోపానికి కారణాలు కావచ్చని వైద్యులు హెచ్చరిస్తున్నారు. ప్రస్తుతం ఉన్న లైఫ్ స్టైల్, వ్యాయామం లేకపోవడం, జంక్ ఫుడ్ అలవాట్ల కారణంగా పోషకాహార లోపం పెరిగిపోతోంది. ముఖ్యంగా ఆఫీసుల్లో పనులు చేసే చాలా మంది బీ12, డీ విటమిన్ లోపాలతో సతమతమవుతున్నారు.

విటమిన్ లోపాన్ని సూచించే లక్షణాలు ఇవే:

*తగినంత నిద్రపోయినప్పటికీ నీరసంగా అనిపించడం, ఇది శరీరానికి కావాల్సిన పోషల విలువలు అందడం లేదని సూచిస్తుంది.
*సీజన్‌తో సంబంధం లేకుండా జట్టు బాగా రాలిపోవడం కూడా విటమిన్స్ లోపంగానే గుర్తించాలి.
*తరుచుగా నోటిలో పూత, పెదవులు పగలడం కూడా విటమిన్, మినరల్స్ డెఫిషియెన్సీకి కారణం కావచ్చు.
*చర్మం పాలిపోవడం, గోర్లు బలహీనంగా మారడం, గోర్లు తరుచుగా విరగడం, చర్మం కాంతిని కోల్పోవడం పోషకాహార లోపానికి సంకేతాలు.

ఎలా నిర్ధారించాలి.?

సాధారణ రక్త పరీక్షల ద్వారా విటమిన్, ఖనిజాల లోపాన్ని గుర్తించవచ్చని వైద్యులు చెబుతున్నారు. సమయానికి పరీక్షలు చేయించుకుని, ఆహారంలో మార్పులు చేసుకోవడం, వైద్యుల సూచనల మేరకు విటమిన్ సప్లిమెంట్లు వాడటం చేస్తే ఈ సమస్యను అధిగమించవచ్చు.