Summer Tips: చీమల బెడద భరించలేకపోతున్నారా? ఈ సింపుల్ ట్రిక్స్తో చెక్ పెట్టండి!
Summer Tips: ఎండలు ముదురుతుండటంతో ఇళ్లలో చీమల వరుసలు ఎక్కువ అవుతాయి. వేసవి తాపం మనుషులకే కాదు, చీమలకు కూడా ఎక్కువే. అందుకే చల్లదనం కోసం, ఆహారం కోసం అవి మన ఇళ్లపై దండెత్తుతుంటాయి. తీపి పదార్థాలే కాదు.. బట్టలు, సోఫాలు, చివరకు పడుకునే మంచాలపైకి కూడా ఇవి చేరుతూ ఇబ్బంది పెడుతుంటాయి. నిజానికి చీమలు కుట్టినప్పుడు వాటిలోని ఫార్మిక్ యాసిడ్ వల్ల చర్మంపై దద్దుర్లు, దురద వస్తాయి. దీంతో వాటి పని పట్టడానికి చాలా మంది మార్కెట్లో దొరికే కెమికల్ చాక్ పీసులు లేదా స్ప్రేలు వాడటం చేస్తున్నారు. అయితే ఇవి వాటడం వల్ల చిన్న పిల్లలు, పెంపుడు జంతువులకు ప్రమాదం పొంచి ఉంటుంది. అలాంటి వాటి అవసరం లేకుండా, మీ వంటింట్లో ఉండే సహజ సిద్ధమైన వస్తువులతోనే చీమలను శాశ్వతంగా ఎలా తరిమికొట్టాలో ఈ స్పెషల్ స్టోరీలో తెలుసుకుందాం.
READ ALSO: IMDb Best IPL Matches: ఇన్ని సీజన్లలో టాప్ 5 బెస్ట్ ఐపీఎల్ మ్యాచ్లు ఏవో తెలుసా..
సింపుల్ టిప్స్ ఇవే..
చీమలను తరిమికొట్టడంలో వైట్ వెనిగర్ తిరుగులేని ఆయుధం. దీనిని ఎలా వాడాలంటే.. సమాన పాళ్లలో వెనిగర్, వాటర్ను కలిపి ఒక స్ప్రే బాటిల్లో తీసుకోవాలి. తర్వాత నిత్యం చీమలు తిరిగే ప్రదేశాల్లో దీనిని చల్లండి. ఇలా చేస్తే ఏమౌతుందంటే.. వెనిగర్ ఘాటైన వాసన వల్ల చీమలు వాటి దారిని కనిపెట్టే ‘ఫేర్మోన్’ సంకేతాలను కోల్పోతాయి. ఇల్లు తుడిచే నీటిలో కొద్దిగా వెనిగర్ కలిపినా మంచి ఫలితం ఉంటుంది. అలాగే చీమలకు మిరియాల పొడి లేదా ఎర్ర కారం ఘాటు అంటే అస్సలు పడదు. చీమలు లోపలికి వచ్చే రంధ్రాల వద్ద కాస్త ఎర్ర మిరప పొడిని గానీ లేదా నల్ల మిరియాల పొడిని గానీ చల్లండి. లేదంటే మిరియాల పొడిని కొంచెం నీటిలో కలిపి స్ప్రే చేసినా అవి వెంటనే పారిపోతాయి.
చీమలను చంపడానికి ఒక నాచురల్ ‘ట్రాప్’ బేకింగ్ సోడా – చక్కెర లిక్వీడ్. సమాన పాళ్లలో ఐసింగ్ షుగర్ (పొడి చక్కెర), బేకింగ్ సోడాను కలిపి చీమలు వచ్చే మూలల్లో ఉంచండి. చక్కెర వాసనకు ఆకర్షితమై చీమలు దీన్ని తింటాయి. బేకింగ్ సోడా వాటి శరీరంలోకి వెళ్లగానే రసాయనిక చర్య జరిగి చీమలు చనిపోతాయి. మనం గిన్నెలు కడగడానికి వాడే డిష్ వాష్ లిక్విడ్ కూడా చీమల నివారణకు ఉపయోగపడుతుంది. దీనిని నీటిలో కలిపి స్ప్రే చేయడం వల్ల చీమల శ్వాస వ్యవస్థ దెబ్బతింటుంది. దీంతో ఆ ప్రదేశానికి అవి మళ్లీ రావు. కేవలం చిట్కాలు పాటించడమే కాకుండా ఈ జాగ్రత్తలు తీసుకుంటే చీమలు మీ ఇంటి దరిదాపుల్లోకి కూడా రావు. పాలు, జ్యూస్ లేదా పంచదార వంటి పదార్థాలు కింద పడగానే ఏమాత్రం ఆలస్యం చేయకుండా వెంటనే తుడిచేయాలి. గోడల మధ్య లేదా తలుపుల సందుల్లో ఉన్న పగుళ్లను వైట్ సిమెంట్ లేదా పుట్టీతో మూసివేయండి. దీనివల్ల చీమలు లోపలికి రావడానికి దారి ఉండదు. వేసవిలో చీమలు చల్లదనం కోసం తేమ ఉన్న ప్రదేశాలకు వస్తుంటాయి. అందుకే కిచెన్ సింక్, బాత్రూమ్ పరిసరాల్లో నీరు నిలవకుండా పొడిగా ఉంచండి. ఈ చిట్కాలు పాటిస్తే ఎటువంటి ప్రమాదకరమైన కెమికల్స్ వాడకుండానే మీ ఇంటిని చీమల రహితంగా మార్చుకోవచ్చు.
READ ALSO: Bangladesh Cricket: స్టేడియంలో కాఫీ ఖర్చంత కూడా లేని ఆ దేశ స్టార్ ప్లేయర్ల జీతాలు..!