Family Planning : ప్రెగ్నెన్సీ ప్లాన్ చేస్తున్నారా? ఈ టెస్టులు మస్ట్!
- గర్భధారణకు ముందు ప్రీ-కన్సెప్షన్ చెకప్స్ ఎందుకు ముఖ్యం?
- మహిళలు తప్పనిసరిగా చేయించుకోవాల్సిన హార్మోన్, ఇమ్యూనిటీ టెస్టులు
- పురుషులకు కూడా కీలకమే.. సీమెన్ అనాలిసిస్ ఎందుకు అవసరం?
- హెల్తీ ప్రెగ్నెన్సీ కోసం వైద్యుల కీలక సూచనలు
- Follow Us :
-
-
Add as a preferred
source on google
Family Planning : నేటి ఆధునిక కాలంలో మారుతున్న జీవనశైలి, మానసిక ఒత్తిడి, ఆహారపు అలవాట్ల కారణంగా ప్రీ-మెచ్యూర్ డెలివరీలు (నెలలు నిండకుండానే కాన్పు అవ్వడం), మిస్క్యారేజ్ (గర్భస్రావం) కేసులు విపరీతంగా పెరిగిపోతున్నాయి. ఇలాంటి పరిస్థితుల్లో కొత్తగా ఫ్యామిలీ ప్లానింగ్ చేయాలనుకునే దంపతులు తమ జీవితంలో అత్యంత కీలకమైన నిర్ణయం తీసుకుంటున్నట్లే లెక్క. అయితే, ప్రెగ్నెన్సీ ప్లాన్ చేయడానికి కంటే ముందే ‘ప్రీ-కన్సెప్షన్ చెకప్స్’ అంటే గర్భధారణకు ముందు చేయించుకునే పరీక్షలు ఎంతో ముఖ్యమని వైద్య నిపుణులు చెబుతున్నారు. అసలు మన శరీరం ప్రెగ్నెన్సీకి పూర్తిగా సిద్ధంగా ఉందా లేదా అని తెలుసుకోవడం, సరైన సమయంలో కొన్ని బేసిక్ మెడికల్ టెస్టులు చేయించుకోవడం వల్ల సులభంగా గర్భం దాల్చడమే కాకుండా, ప్రెగ్నెన్సీ సమయంలో వచ్చే అనేక రకాల ఆరోగ్య రిస్క్లను కూడా ముందే తగ్గించుకోవచ్చు.
మహిళల శరీరం గర్భధారణ సమయంలో 9 నెలల పాటు ఎన్నో రకాల శారీరక, హార్మోన్ల మార్పులకు లోనవుతుంది. అందుకే మహిళలు ప్రెగ్నెన్సీకి ముందే ‘హార్మోనల్ ప్రొఫైల్’ చెక్ చేయించుకోవాలి. ఇందులో థైరాయిడ్ (TSH), ప్రొలాక్టిన్ , ఏఎంహెచ్ (AMH) టెస్టులు ప్రధానమైనవి. ముఖ్యంగా ఏఎంహెచ్ టెస్ట్ ద్వారా మహిళల అండాశయంలో అండాల సంఖ్య (Ovarian Reserve) ఎంత ఉందనే విషయం స్పష్టంగా తెలుస్తుంది. వీటితో పాటు హీమోగ్లోబిన్, ఐరన్ లెవెల్స్ పరీక్షించడం కూడా చాలా అవసరం. ఎందుకంటే మనదేశంలో చాలా మంది మహిళల్లో రక్తహీనత (Anemia) సమస్య సాధారణంగా కనిపిస్తుంది, ఇది ప్రెగ్నెన్సీ సమయంలో తీవ్ర నీరసానికి, బలహీనతకు దారితీస్తుంది. అలాగే కాబోయే బిడ్డకు గర్భంలో ఉన్నప్పుడు ఎలాంటి ఇన్ఫెక్షన్లు సోకకుండా ఉండటానికి రుబెల్లా, చికెన్పాక్స్ వంటి వ్యాధులకు సంబంధించిన ఇమ్యూనిటీ స్క్రీనింగ్ కూడా మహిళలు ముందుగానే చేయించుకోవాలి.
Also Read
- Amla Pulihora Recipe: పుల్లపుల్లగా, కమ్మకమ్మగా నోరూరించే 'ఉసిరికాయ పులిహోర'.. కేవలం నిమిషాల్లోనే రెడీ చేసుకోండి ఇలా..!
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
- AMH తక్కువగా ఉంటే IVF తప్పనిసరా? మహిళలు తెలుసుకోవాల్సిన విషయాలు...
- Homemade Rava: బయట కొనే రవ్వలో మైదా కల్తీ, పురుగుల భయమా? ఇంట్లోనే స్వచ్ఛమైన రవ్వ చేసుకోండిలా!
సాధారణంగా ఫ్యామిలీ ప్లానింగ్ లేదా ఫర్టిలిటీ అనగానే అది కేవలం మహిళలకు మాత్రమే సంబంధించిన విషయమని చాలా మంది భావిస్తుంటారు, కానీ ఈ ఆలోచన పూర్తిగా తప్పు అని వైద్య నిపుణులు స్పష్టం చేస్తున్నారు. తండ్రి కావాలనుకునే పురుషులు కూడా తమ ఆరోగ్యంపై సమానంగా శ్రద్ధ పెట్టాలి. పురుషుల కోసం చేసే అత్యంత ప్రాథమిక, ముఖ్యమైన పరీక్ష ‘సీమెన్ అనాలిసిస్’ (వీర్య కణాల పరీక్ష). దీని ద్వారా స్పెర్మ్ కౌంట్, వాటి ఆకృతి, , కదలికల (Movement) సామర్థ్యం ఎలా ఉందో తెలుస్తుంది. ఒకవేళ ఈ రిపోర్టులో ఏవైనా లోపాలు కనిపిస్తే, సరైన డైట్ , వైద్య చికిత్స ద్వారా వాటిని సులభంగా సరిదిద్దవచ్చు. వీటితో పాటు డయాబెటిస్ (షుగర్), హై బ్లడ్ ప్రెజర్ (బీపీ) వంటి లైఫ్స్టైల్ వ్యాధుల పరీక్షలు కూడా పురుషులకు అవసరం, ఎందుకంటే ఇవి నేరుగా ఫర్టిలిటీ సామర్థ్యాన్ని దెబ్బతీస్తాయి.
ఈ బేసిక్ మెడికల్ టెస్టులతో పాటు ఫ్యామిలీ ప్లానింగ్ లో ఉన్న దంపతులకు వైద్యులు కొన్ని కీలకమైన సూచనలు చేస్తున్నారు. ప్రెగ్నెన్సీ ప్లాన్ చేయడానికి కొన్ని నెలల ముందే మహిళలు డాక్టర్ సలహాతో ‘ఫోలిక్ యాసిడ్’ సప్లిమెంట్లను తీసుకోవడం ప్రారంభించాలి, ఇది పుట్టబోయే బిడ్డ మెదడు, వెన్నెముక ఎదుగుదలకు ఎంతో సహాయపడుతుంది. అలాగే భార్యాభర్తల్లో ఎవరికైనా స్మోకింగ్ లేదా ఆల్కహాల్ తీసుకునే అలవాట్లు ఉంటే వాటిని వెంటనే పూర్తిగా మానేయాలి, ఎందుకంటే ఇవి ఫర్టిలిటీని తీవ్రంగా దెబ్బతీసి గర్భధారణకు అడ్డంకిగా మారుతాయి. కాబట్టి, హెల్తీ ప్రెగ్నెన్సీ , ఆరోగ్యకరమైన బిడ్డ కోసం దంపతులిద్దరూ ముందే డాక్టర్ను కలిసి ఈ స్క్రీనింగ్స్ చేయించుకోవడం ఎంతో ఉత్తమం.
తాజావార్తలు
-
OTR : బంగారం, వెండి ధరలు ఎందుకు తగ్గుతున్నాయి? విలువైన లోహాల భవిష్యత్తు ఎలా ఉండబోతోంది?
-
Warangal Projects : వరంగల్కు భారీ ప్రాజెక్టులు.. సీఎం రేవంత్ కీలక సమీక్ష
-
Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
-
Telangana Congress : MLA రాజగోపాల్ రెడ్డి అసంతృప్తి వెనుక అసలు కారణమేంటి?
-
Tandoor Congress Rift: తాండూరు కాంగ్రెస్లో ఫ్లెక్సీ వార్.. బయటపడ్డ వర్గ విభేదాలు!
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!