Ragi Ponganalu: మహిళలకు అమృతం లాంటిది.. ఐరన్, క్యాల్షియం కావాలంటే వారంలో రెండుసార్లు ఇవి తినండి!
- Follow Us :
-
-
Add as a preferred
source on google
Ragi Ponganalu: ఈ రోజుల్లో హెల్తీ లైఫ్స్టైల్, సాంప్రదాయ ఆహారాలపై జనాల ఆసక్తి చాలా పెరిగింది. ముఖ్యంగా బరువు తగ్గాలనుకునే వారు, ఐరన్ లోపం (అనీమియా), జుట్టు రాలడం వంటి సమస్యలతో బాధపడేవారికి ‘రాగులు’ ఒక అద్భుతమైన ఛాయిస్గా పని చేస్తున్నాయి. అయితే రోజూ రాగి జావ లేదా రాగి సంకటి తింటే బోర్ కొడుతుంది అనుకునే వారి కోసం.. కేవలం 10 నిమిషాల్లో ఎంతో రుచిగా, క్రిస్పీగా తయారు చేసుకోగలిగే ‘రాగి పొంగణాలు’ (Ragi Ponganalu) రెసిపీని సింపుల్గా ఎలా చేసుకోవాలో ఈ స్టోరీలో తెలుసుకుందాం.
నిజానికి రాగి పొంగణాలు అనేవి రక్తహీనత, జుట్టు రాలడం, అధిక బరువు.. ఇలాంటి సమస్యలన్నింటికీ చెక్ పెట్టే సూపర్ హెల్తీ బ్రేక్ఫాస్ట్. వీటిని పిల్లల నుంచి పెద్దల వరకు అందరూ ఎంతో ఇష్టంగా తినేలా, కేవలం పదే పది నిమిషాల్లో ఈ గుంత పొంగణాలను ఎలా తయారు చేసుకోవాలంటే..
Also Read
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
- AMH తక్కువగా ఉంటే IVF తప్పనిసరా? మహిళలు తెలుసుకోవాల్సిన విషయాలు...
- Homemade Rava: బయట కొనే రవ్వలో మైదా కల్తీ, పురుగుల భయమా? ఇంట్లోనే స్వచ్ఛమైన రవ్వ చేసుకోండిలా!
- Protein Rich Foods: ఒంట్లో బలం అమాంతం పెంచే హై ప్రోటీన్ రొట్టె.. చాలా సింపుల్ ఇలా చేసుకోండి!
కావలసిన పదార్థాలు:
రాగి పిండి – 1 కప్పు
బొంబాయి రవ్వ (ఉప్మా రవ్వ) – 1 కప్పు
పెరుగు – 1 కప్పు
ఉల్లిపాయ – 1 (సన్నగా తరిగినది)
క్యారెట్ తురుము – 1 కప్పు
పచ్చిమిర్చి – 3 (సన్నగా తరిగినవి)
జీలకర్ర – 1 టేబుల్ స్పూన్
కొత్తిమీర – కొద్దిగా
వంట సోడా – పావు స్పూన్
ఉప్పు – రుచికి సరిపడా
నూనె – పొంగణాల ఫ్రైకి సరిపడా
తయారీ విధానం
ముందుగా ఒక మిక్సింగ్ బౌల్ తీసుకొని అందులో ఒక కప్పు రాగి పిండి, ఒక కప్పు బొంబాయి రవ్వ, ఒక కప్పు పెరుగు వేసి బాగా కలుపుకోవాలి. ఆ తర్వాత అందులో సన్నగా తరిగిన ఉల్లిపాయ ముక్కలు, క్యారెట్ తురుము, సన్నగా కట్ చేసిన పచ్చిమిర్చి, కొద్దిగా కొత్తిమీర, ఒక చెంచా జీలకర్ర, రుచికి సరిపడా ఉప్పు వేసి అన్ని కలిసేలా మిక్స్ చేయాలి. ఈ మిశ్రమంలో కొద్దికొద్దిగా నీళ్లు పోస్తూ.. పిండిని మరీ పల్చగా కాకుండా, మరీ గట్టిగా కాకుండా సాధారణ పొంగణాల పిండి లాగా కలుపుకోవాలి. రవ్వ నానుతుంది కాబట్టి ఒక 10 నిమిషాల పాటు ఈ పిండిని పక్కన పెట్టుకోవాలి.
పొంగణాలు వేసుకునే ముందు పిండిలో పావు స్పూన్ వంట సోడా (బేకింగ్ సోడా) వేసి ఒక్కసారి బాగా కలుపుకోవాలి. దీనివల్ల పొంగణాలు లోపల మెత్తగా, పైన క్రిస్పీగా వస్తాయి. ఇప్పుడు స్టవ్ ఆన్ చేసి గుంత పొంగణాల పెనం (Appam Pan) పెట్టుకుని, అన్ని గుంతల్లో కొద్దికొద్దిగా నూనె వేయాలి. పెనం వేడెక్కిన తర్వాత స్పూన్తో పిండిని తీసుకొని గుంతల్లో వేసుకోవాలి. మూత పెట్టి మీడియం ఫ్లేమ్పై రెండు వైపులా గోల్డెన్ బ్రౌన్ కలర్ వచ్చేంత వరకు క్రిస్పీగా కాల్చుకోవాలి. అంతే.. ఎంతో రుచికరమైన, వేడివేడి హెల్తీ రాగి పొంగణాలు రెడీ అయిపోతాయి.
రాగుల్లో క్యాల్షియం, ఐరన్ – ఫైబర్ కంటెంట్ చాలా ఎక్కువగా ఉంటుంది. ముఖ్యంగా మహిళల్లో వచ్చే అనీమియా (రక్తహీనత) సమస్యను తగ్గించడానికి, జుట్టు కుదుళ్లను బలంగా మార్చడానికి ఈ రాగి పొంగణాలు అద్భుతంగా పనిచేస్తాయి. వీటిని అల్లం చట్నీ లేదా పల్లీల చట్నీతో తింటే టేస్ట్ అదిరిపోతుంది.
తాజావార్తలు
-
Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
-
Love Story: అనిరుధ్ మామ కళానిధి మారన్ ప్రేమ కథ తెలుసా?
-
INDIA Bloc: ఎన్నికల సంఘానికి 48 ప్రశ్నలు.. సుప్రీంకోర్టులో INDIA కూటమి పిటిషన్!
-
Mouli: టాలీవుడ్ నుంచి కోలీవుడ్కు దొంగ నా కొడుకు .. ‘టూరిస్ట్ ఫ్యామిలీ’ బ్యానర్లో మూడో సినిమా?
-
AP Elections: ముగిసిన 23 పట్టణ స్థానిక సంస్థల నామినేషన్ల పర్వం.. రేపు పరిశీలన..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!