Health Tips: టీతో పాటు వీటిని తీసుకుంటున్నారా? అయితే ఇది మీ కోసమే..

చాలా మందికి టీ ఒక వ్యసనం అయ్యింది.. గొంతులో వేడిగా టీ చుక్క పడకపోతే బండి ముందుకు సాగదు.. అయితే చాలా మంది టీ తో పాటు బిస్కెట్స్, స్నాక్స్ వంటి వాటిని ఎక్కువగా తీసుకుంటారు.. అయితే రస్కులు అంత ఆరోగ్యకరమైనవి కాదు. టీ కాంబినేషన్తో రస్కులు తీసుకోవటం అస్సలు ఆరోగ్యకరమైనది కాదని నిపుణులు చెబుతున్నారు.. రస్క్ లు టీ తో తీసుకోవడం వల్ల ఎటువంటి నష్టాలు ఉన్నాయో ఇప్పుడు తెలుసుకుందాం..

సాదారణంగా మార్కెట్లో అధికంగా శుద్ధి చేసిన పిండి నూనెతో రస్కులు తయారుచేస్తారు. అందుకే వీటిని రోజు తినటం అనారోగ్యం. ఆహార నిపుణుల అభిప్రాయం ప్రకారం బ్రెడ్ కంటే రస్కులు అధికంగా క్యాలరీలను కలిగి ఉంటాయి. రస్క్ అనేది కేవలం డిహైడ్రేటెడ్ బ్రెడ్… ఇక బ్రెడ్ లోంచి తేమను పూర్తిగా తొలగిస్తే అది రస్క్ కింద మారుతుంది. దీనికి చక్కెరను జోడించడం వల్ల రుచికరంగా చేస్తారు. ఇదంతా మిగిలిపోయిన బ్రెడ్ తో తయారు చేస్తారని చాలామందికి తెలియదు. అలాగే రస్కుల తయారీలో వాడే నూనె కూడా మంచిది కాదు… ఇది చాలా రకాల వ్యాధులను వచ్చే అవకాశాలు ఉన్నాయని నిపుణులు చెబుతున్నారు..

ఈ నూనె శరీరంలో ఎక్కువగా చేరటం వల్ల రక్తనాళాల్లోని రక్తం గడ్డ కట్టడం వంటి సమస్యలు వస్తాయి. దీని వలన గుండెపోటు కూడా రావచ్చు. అలాగే రోజు రస్కులు తినడం వల్ల అందులో ఉండే గుండె సమస్యలు, షుగర్ వంటి వ్యాదులు కూడా వచ్చే అవకాశాలు ఉన్నట్లు నిపుణులు చెబుతున్నారు.. కిడ్నీ సమస్యలను, చర్మ సమస్యలను తీసుకువచ్చే ప్రమాదం ఉంది. రస్కులలో యాంటీ న్యూట్రియెంట్లు అధికంగా ఉంటాయి. ఇవి శరీరం పోషకాలు సంగ్రహించకుండా అడ్డుకుంటుంది.. అలాగే రస్కులో ఆర్టిఫిషియల్ ఫ్లేవర్స్, ఫుడ్ ఎడిటింగ్ ప్రెజర్వేటివ్ లు కలుపుతారు. అందుకే రస్కులు ఎక్కువగా తింటే స్థూలకాయం సంభవిస్తుంది.. గ్యాస్ సమస్యలు కూడా వస్తాయి.. అందుకే పొరపాటున కూడా టీ తో రస్క్ ను తీసుకోకండి..

నోట్ : ఇంటర్నెట్ లో సేకరించిన సమాచారం ఆధారంగా ఈ వార్తను పబ్లిష్ చేస్తున్నాము. ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. తదుపరి జరిగే ఎలాంటి పరిణామాలకు ఎన్టీవీతెలుగు.కామ్ బాధ్యత వహించదు.