కరివేపాకు గురించి ప్రత్యేకంగా చెప్పనక్కర్లేదు.. ప్రతి కూరలోనూ కనిపిస్తుంది.. అయితే అందరు దాన్ని తినకుండా పక్కన తీసిపడేస్తారు.. అందుకే చాలా మంది కరివేపాకును పొడిగా చేస్తారు.. లేదా రైస్ చేసుకొని తింటారు.. దీన్ని ఎక్కువగా బాలింతలకు పెడతారు. అయితే నిజానికి ఈ ఆకులను చాలామంది కూరల్లో నుంచి తీసి పడేస్తారు. కానీ దీని వల్ల మనకు అనేక లాభాలున్నాయని నిపుణులు చెబుతున్నారు.. కరివేపాకుతో ఎటువంటి ఆరోగ్య ప్రయోజనాలు ఉన్నాయో ఇప్పుడు మనం తెలుసుకుందాం..
కరివేపాకు వల్ల కేవలం జుట్టుకు మాత్రమే పోషణ అందుతుంది అనుకుంటే.. మీరు పప్పులో కాలు వేసినట్లు. దీనిలో యాంటీ ఆక్సిడెంట్లు పుష్కలంగా ఉంటాయి. రోజూ కరివేపాకు తీసుకోవడం వల అధిక కొలెస్ట్రాల్, ట్రైగ్లిజరైడ్ స్థాయిలను నియంత్రణలో ఉంచుతుంది. అలాగే ఇది గుండె సంబంధిత వ్యాధులను కూడా రాకుండా చూస్తుంది..
కరివేపాకును నిత్యం తినడం వల్ల అధిక బరువుకు కూడా చెక్ పెట్టవచ్చు. ఇది శరీరంలోని కొలెస్ట్రాల్ స్థాయిలను నియంత్రణలో ఉంచుతుంది. బరువు తగ్గాలనుకునే వారు కరివేపాకును డైలీ ఆహారంలో చేర్చుకుంటే సులువుగా బరువును తగ్గితారు..
డయాబెటీస్.. ఈరోజుల్లో వయస్సుతో సంబంధం లేకుండా ప్రతి ఒక్కరు ఈ వ్యాధితో బాధపడుతున్నారు.. ఇలాంటి వారికి కరివేపాకు చాలా అద్భుతంగా పని చేస్తుంది. కరివేపాకు సారం చక్కెర స్థాయిలను అదుపులో ఉంచుతుంది. శరీరంలో ఉన్న ఇన్సులిన్ ని కరివేపాకు మెరుగుపరుస్తుంది..
కరివేపాకుతో కంటిచూపు మెరుగుపడుతంది. కరివేపాకులో విటమిన్ ఏ పుష్కలంగా ఉంటుంది కాబట్టి.. దీంతో కళ్లు ఆరోగ్యంగా ఉంటాయి..
పడగడుపున కొంతమంది వికారంతో బాధపడుతూంటారు. దీంతో తలనొప్పి కూడా వస్తుంది. అలాగే గర్భిణిలు కూడా వికారంగా ఫీల్ అవుతూ ఉంటారు. ఇలాంటి వాళ్లకు కరివేపాకు చక్కగా పని చేస్తుంది.
కరివేపాకుతో జ్ఞాపకశక్తి మెరుగుపడుతుంది. కరివేపాకు తినడం వల్ల మెదడు యాక్టీవ్ గా ఉంటుంది.. చర్మ సమస్యలు రాకుండా ఉంటాయి..
కరివేపాకులో బ్యాక్టీరియా, వైరస్ లతో పోరాడే శక్తి ఎక్కువగా ఉంటుంది. అలాగే ఇన్ ఫెక్షన్ల బారిన పడిన వారు కూడా ఈ సమయంలో కరివేపాకు కషాయం తీసుకుంటే త్వరగా కోలుకోవచ్చు..
