Ragi Samosa Recipe: మైదాకు చెక్.. రాగితో టేస్టీ, హెల్తీ సమోసాలు ట్రై చేయండి.. తయారీ విధానం ఇదిగో!
- Follow Us :
-
-
Add as a preferred
source on google
Ragi Samosa Recipe: సమోసాలు అంటే అందరికీ ఎంతో ఇష్టం. సాయంత్రం పూట వేడివేడి టీతో సమోసా తింటూ కబుర్లు చెప్పుకోవడం చాలామందికి అలవాటు. అయితే, రోజూ ఒకేలాంటి మైదా లేదంటే గోధుమ పిండితో చేసిన బంగాళాదుంప సమోసాలు తిని బోర్ కొట్టిందా? అయితే ఈసారి కాస్త కొత్తగా, ఆరోగ్యకరంగా రాగి పిండితో సమోసాలు ట్రై చేయండి. రాగి పిండితో చేసే ఈ సమోసాలు రుచిలో అద్భుతంగా ఉండటమే కాకుండా, బంగాళాదుంప, బఠాణీ, జీడిపప్పు, కిస్మిస్లతో చేసే స్టఫింగ్ వీటి ప్రత్యేకతను మరింత పెంచుతుంది. రాగిలో క్యాల్షియం, పీచు పదార్థం (ఫైబర్) వంటి పోషకాలు పుష్కలంగా ఉంటాయి. వీటిని సాయంత్రం వేళ స్నాక్స్లా చేసుకోవచ్చు లేదా ఇంట్లో అతిథులు వస్తే క్షణాల్లో వడ్డించవచ్చు.
తయారు చేయడానికి కావాల్సిన పదార్థాలు:
220 గ్రాముల రాగి పిండి
అర టీస్పూన్ వాము
అర టీస్పూన్ జీలకర్ర
1 పచ్చిమిర్చి (సన్నగా తరిగినది)
20 గ్రాముల కిస్మిస్
అర టీస్పూన్ పసుపు
25 గ్రాముల ఉడికించిన బంగాళాదుంప
40 గ్రాముల ఉడికించిన బఠాణీ
20 గ్రాముల జీడిపప్పు ముక్కలు
2 దోసకాయలు (సన్నగా తరిగినవి)
5 గ్రాముల అల్లం తరుగు
ఒక గుప్పెడు కొత్తిమీర తరుగు
ఒక గుప్పెడు పుదీనా ఆకులు
తగినంత ఉప్పు
అవసరమైనన్ని నీళ్లు
వేయించడానికి సరిపడా నూనె
Also Read
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
- Homemade Rava: బయట కొనే రవ్వలో మైదా కల్తీ, పురుగుల భయమా? ఇంట్లోనే స్వచ్ఛమైన రవ్వ చేసుకోండిలా!
- Palak Paneer Pakoda Recipe: ఇంట్లోనే సింపుల్గా పాలక్ పనీర్ పకోడాలు.. తయారీ విధానం ఇదిగో!
- Protein Rich Foods: ఒంట్లో బలం అమాంతం పెంచే హై ప్రోటీన్ రొట్టె.. చాలా సింపుల్ ఇలా చేసుకోండి!
తయారీ విధానం:
ముందుగా ఒక గిన్నెలో రాగి పిండిని జల్లెడ పట్టుకోవాలి. అందులో కొద్దిగా నీళ్లు పోసి ఉండలు లేకుండా కలపాలి. ఈ మిశ్రాణాన్ని మైక్రోవేవ్లో 30 నుంచి 40 సెకన్ల పాటు వేడి చేసి, ఆ తర్వాత పూర్తిగా చల్లారనివ్వాలి. ఇప్పుడు ఇందులో తగినంత రాగి పిండి, వాము, ఉప్పు వేసి గట్టిగా పిండిలా కలుపుకోవాలి. ఆ పిండిని కాసేపు పక్కన పెట్టుకోవాలి. ఇప్పుడు స్టఫింగ్ కోసం ఒక బాణీలో కొద్దిగా నూనె వేడి చేసి జీలకర్ర వేయాలి. జీలకర్ర చిటపటలాడాక అల్లం తరుగు, పచ్చిమిర్చి, జీడిపప్పు, కిస్మిస్ వేసి ఒకటి రెండు నిమిషాలు వేయించుకోవాలి. ఆ తర్వాత తరిగిన దోసకాయ ముక్కలు, పసుపు, ఉడికించిన బఠాణీ, బంగాళాదుంప వేసి బాగా కలుపుకోవాలి. రుచికి సరిపడా ఉప్పు వేసి 3 నుంచి 4 నిమిషాలు ఉడికించాలి. చివరగా కొత్తిమీర, పుదీనా ఆకులు వేసి దించేయాలి. ఈ స్టఫింగ్ను పూర్తిగా చల్లారనివ్వాలి.
ఇప్పుడు కలిపి పెట్టుకున్న పిండితో చిన్న చిన్న ఉండలు చేసి, వాటిని గుండ్రంగా లేదా కోలగా పూరీలా ఒత్తుకోవాలి. వాటిని మధ్యలోకి కట్ చేసి రెండు భాగాలుగా చేయాలి. అంచులపై కొద్దిగా నీళ్లు రాసి రెండు మునులను కలిపి కోన్ ఆకారంలో చేసుకోవాలి. అందులో తయారు చేసి పెట్టుకున్న స్టఫింగ్ను నింపి అంచులను గట్టిగా మూసేయాలి. కడాయిలో నూనె వేడి చేసి, ఈ సమోసాలను మంట మధ్యస్థంగా ఉంచి బంగారు రంగు వచ్చే వరకు వేయించుకోవాలి. నూనె ఎక్కువగా పీల్చకుండా ఉండటానికి వీటిని టిష్యూ పేపర్లోకి తీసుకోవాలి. అంతే, గుల్లగా ఉండే వేడివేడి రాగి సమోసాలు సిద్ధం. వీటిని పచ్చడి లేదా చింతపండు చట్నీతో తింటే చాలా రుచిగా ఉంటాయి. ఒకవేళ నూనెలో వేయించడం ఇష్టం లేకపోతే, మైక్రోవేవ్ కన్వెక్షన్ మోడ్లో కూడా వీటిని కాల్చుకోవచ్చు. సమోసాలపై కొద్దిగా నూనె రాసి మైక్రోవేవ్లో బంగారు రంగు వచ్చేవరకు బేక్ చేసుకుంటే సరిపోతుంది. మైదా సమోసాలతో పోలిస్తే రాగిలో క్యాల్షియం, ఫైబర్ ఎక్కువ కాబట్టి ఇది చాలా ఆరోగ్యకరమైన ప్రత్యామ్నాయం. రోజూ తినే అల్పాహారంలో ఏదైనా మార్పు కోరుకుంటే రాగి సమోసాలు బెస్ట్ ఛాయిస్.
తాజావార్తలు
-
Yamaha Xenter E: 108KM రేంజ్తో యమహా కొత్త ఎలక్ట్రిక్ స్కూటర్.. 7.5kW మోటార్, ఫీచర్లు ఇవే!
-
ONGC Gas Leak: కోనసీమలో మరోసారి ఓఎన్జీసీ గ్యాస్ లీక్ కలకలం
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
IPL 2027: ఆల్ క్యాష్ ట్రేడ్.. సగం ధరకే రెండుసార్లు పర్పుల్ క్యాప్ విజేతను వదులుకున్న ఎస్ఆర్హెచ్!
-
Oppo Reno 17, Reno 17 Pro: 200MP కెమెరా, 8,000mAh బ్యాటరీ.. కొత్త Oppo Reno 17 సిరీస్ వచ్చేసింది!
ట్రెండింగ్
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!