మనం తినే ఆహారంలో కాయగూరలు, ఆకు కూరలతో పాటు వాటి గింజలతో కూడా ఎన్నో ఆరోగ్య ప్రయోజనాలున్నాయి. ముఖ్యంగా ఇప్పుడున్న కాలంలో కొలెస్ట్రాల్ అనేది అందరిలో కామన్ అయిపోయింది. కొలెస్ట్రాల్ వల్ల శరీరంలో వివిధ రకాల ఆరోగ్య సమస్యలు వస్తాయి.. ముఖ్యంగా గుండెపోటు, స్ట్రోక్ వంటి ప్రమాదకరమైన వ్యాధులు వచ్చే అవకాశం ఉంటుంది. అందుకోసమని.. మన శరీరంలో కొలెస్ట్రాల్ స్థాయిలను నియంత్రించాలి. అందుకు కొన్ని సహజమైన మార్గాలు ఉన్నాయి.. ముఖ్యంగా గుమ్మడికాయ గింజలు కొలెస్ట్రాల్ను తగ్గించడంలో ఎంతో ఉపయోగపడతాయి.
గుమ్మడికాయ గింజల్లో ఉన్న పోషకాలు, ఆరోగ్యకరమైన కొవ్వులు, ఫైబర్, ప్రోటీన్, మెగ్నీషియం, జింక్, యాంటీఆక్సిడెంట్లు శరీరానికి ఎంతో మేలుచేస్తాయి. వీటిలో ఉండే మోనోఅన్శాచురేటెడ్, పాలీఅన్శాచురేటెడ్ కొవ్వులు చెడు కొలెస్ట్రాల్ (LDL) ను తగ్గించడంలో.. మంచి కొలెస్ట్రాల్ (HDL) ను పెంచడంలో సహాయపడతాయి. అంతేకాకుండా.. గుమ్మడికాయ గింజల్లో ఉండే ఫైబర్ శరీరం నుండి అదనపు కొలెస్ట్రాల్ను తొలగించడంలో సహాయం చేస్తుంది.
Read Also: Deputy CM Pawan Kalyan: పవన్ కల్యాణ్ కీలక ఆదేశాలు.. దివాన్ చెరువు సమీపంలో ఫారెస్ట్ అకాడమీ..
గుమ్మడికాయ గింజలను ఎలా తినాలి..?
ముడి లేదా కాల్చిన విత్తనాలు:
గుమ్మడికాయ గింజలను ముడిగా లేదా కాల్చి తినవచ్చు. కాల్చిన గింజలు రుచికరంగా ఉంటాయి. వీటిని స్నాక్గా కూడా తీసుకోవచ్చు. రోజులో ఒక గుప్పెడు (సుమారు 30 గ్రాములు) గుమ్మడికాయ గింజలు తీసుకోవడం వల్ల కొలెస్ట్రాల్ స్థాయిలను నియంత్రిస్తుంది.
సలాడ్లు లేదా స్మూతీలలో కలపండి:
గుమ్మడికాయ గింజలను సలాడ్, పెరుగు లేదా స్మూతీలలో కలపడం వల్ల ఆహారంలో పోషకాలు పెరుగుతాయి. ఈ విధంగా కొలెస్ట్రాల్ను తగ్గించడంలో అవి సహాయపడతాయి.
గుమ్మడికాయ గింజల నూనె:
గుమ్మడికాయ గింజల నూనె కూడా చాలా ప్రయోజనకరమైనది. ఈ నూనెను సలాడ్ డ్రెస్సింగ్ లేదా వంటలో ఉపయోగించవచ్చు. అయితే, ఈ నూనెను అధిక ఉష్ణోగ్రతల వద్ద వాడకూడదు.
గుమ్మడికాయ గింజల పొడి:
గుమ్మడికాయ గింజలను పొడిగా చేసి సూప్, కూరగాయలు లేదా షేక్స్లో కలిపి తినవచ్చు. గుమ్మడికాయ గింజలను తినడానికి సులభమైన మార్గం.
గింజలు, విత్తనాలతో కలపండి:
గుమ్మడికాయ గింజలను అవిసె గింజలు, పొద్దుతిరుగుడు గింజలు లేదా బాదంపప్పులతో కలిపి ఆరోగ్యకరమైన ట్రైల్ మిక్స్ తయారు చేయవచ్చు. దీన్ని రోజులో ఎప్పుడైనా స్నాక్గా తినవచ్చు.
గమనించవలసిన ముఖ్యమైన అంశాలు:
*గుమ్మడికాయ గింజలను పరిమిత పరిమాణంలో మాత్రమే తినాలి. ఎక్కువగా తినడం వల్ల కడుపు సమస్యలు రావచ్చు.
*మీరు ఏదైనా ఆరోగ్య సమస్యతో బాధపడుతున్నట్లయితే.. గుమ్మడికాయ గింజలను మీ ఆహారంలో చేర్చే ముందు వైద్యుడిని సంప్రదించండి.
*గుమ్మడికాయ గింజలను ఎల్లప్పుడూ గాలి చొరబడని డబ్బాలో నిల్వ చేయాలి.
