Jowar Upma Recipe: రవ్వ ఉప్మాకు గుడ్‌బై.. పోషకాలు పుష్కలంగా ఉన్న జొన్న ఉప్మా ట్రై చేయండి..

Jowar Upma Recipe: ప్రస్తుతం జీవన విధానం మారిపోయింది. ఒకప్పుడు మన తాతలు అద్భుతమైన ఆహారం తినేవాళ్లు. అందుకే వాళ్లు ఎక్కువ కాలం బతికారు. జొన్నలు, సజ్జలు, రాగులు వంటి ధాన్యాలను ఎక్కువగా తినేవాళ్లు. అయితే.. పల్లెల్లో జొన్నలు అంటే ముందుగా గుర్తొచ్చేది జొన్న రొట్టే. మన ఊర్లలో ఇప్పటికీ ఇంట్లో ప్రతిరోజూ జొన్న రొట్టె తినడం అలవాటే. ఇదే జొన్నలతో ఉప్మా చేస్తే ఎలా ఉంటుందో ఆలోచించారా? సాధారణంగా మనం ఉపయోగించే ఉప్మా రవ్వలో పోషకాలు చాలా తక్కువగా ఉంటాయి. కానీ జొన్నలతో చేసే ఉప్మాలో మాత్రం పోషకాలు పుష్కలంగా ఉంటాయి. ఒక్కసారి తింటే గంటల తరబడి ఆకలి వేయకుండా శక్తిని ఇస్తుంది. బరువు తగ్గాలనుకునే వారికి, షుగర్ ఉన్న వారికి, గర్భధారణ సమయంలోనూ జొన్నలు బెస్ట్ ఫుడ్. చిన్న పిల్లలకు కూడా కాల్షియం, ఇనుము, మెగ్నీషియం లాంటి శక్తివంతమైన పోషకాలు అందుతాయి. అలాంటి జొన్న ఉప్మాను ఎలా తయారు చేసుకోవాలో ఇప్పుడు చూద్దాం..

READ MORE: Zimbabwe vs Sri Lanka: శ్రీలంక గడ్డపై జింబాబ్వే సంచలనం విజయం.. టేబుల్ టాపర్‌గా రజా సేన

కావలసిన పదార్థాలు
జొన్నలు – మూడు పావు కప్పు
నీరు – ఒక కప్పు
నూనె – అవసరానికి సరిపడా
జీలకర్ర – అర చిన్న చెంచా
ఆవాలు – అర చిన్న చెంచా
మినప్పప్పు – ఒక చిన్న చెంచా
ఇంగువ – చిటికెడు
ఉల్లిపాయ – ఒకటి (సన్నగా తరిగినది)
పచ్చిమిర్చి – రెండు లేదా మూడు
అల్లం ముక్కలు – ఒక చిన్న చెంచా
మిశ్రమ కూరగాయలు – మూడు పావు కప్పు (సన్నగా తరిగినవి)
ఉప్పు – తగినంత
పసుపు – చిటికెడు
తాజా కొబ్బరి తురుము – పావు కప్పు (ఇష్టం ఉన్నంత)
నిమ్మరసం – కొద్దిగా
కొత్తిమీర – అలంకరణకు

READ MORE: Naa Anveshana Shock: యూట్యూబర్ అన్వేష్ ఇన్‌స్టా అకౌంట్ బ్యాన్.. 1.3 మిలియన్ ఫాలోవర్స్ పోయారు..

తయారీ విధానం
మొదట జొన్నలను బాగా కడిగి కనీసం ఎనిమిది గంటలు నానబెట్టాలి. తర్వాత నీరు వంపేసి ఒక కప్పు నీరు, కొద్దిగా పసుపు వేసి బాగా ఉడికించాలి. గింజలు మెత్తగా ఉండేలా చూసి దింపాలి. ఇప్పుడు బానలిలో నూనె వేసి వేడి చేయాలి. ముందుగా జీలకర్ర, ఆవాలు వేయాలి. అవి చిటపటలాడిన తర్వాత మినప్పప్పు వేసి బంగారు రంగు వచ్చే వరకు వేయించాలి. తర్వాత పచ్చిమిర్చి, ఉల్లిపాయ, అల్లం వేసి మృదువుగా అయ్యే వరకు కలపాలి. ఇప్పుడు తరిగిన కూరగాయలు వేసి రెండు నిమిషాలు వేయించాలి. మూతపెట్టి అవి మెత్తబడే వరకు ఉడికించాలి. అవసరమైతే కొద్దిగా నీరు వేసుకోవచ్చు. తర్వాత ఉప్పు, పసుపు వేసి కలపాలి. ఇప్పుడు ఉడికించిన జొన్నలు, కొబ్బరి తురుము వేసి బాగా కలిపి రెండు నిమిషాలు మెల్లగా వేయించాలి. చివరగా నిమ్మరసం చల్లి కొత్తిమీరతో అలంకరించాలి. సాయంత్రం తేలికైన తిండి కావాలనిపించినా, మధ్యాహ్నం భోజనంగా తిన్నా ఇది చక్కగా సరిపోతుంది.