ప్రతి ఒక్కరూ అందంగా ఉండాలని కోరుకుంటారు. ముఖ్యంగా ఆడవాళ్లైతే మెరిసే, మచ్చలేని చర్మం ఉండాలనుకుంటారు. అందుకోసమని బ్యూటీ పార్లర్ల చుట్టూ తిరిగి డబ్బులు వృధా చేసుకోవడం తప్ప ఏముండదు. అంతేకాకుండా.. సైడ్ ఎఫెక్ట్స్ చాలా ఉంటాయి. ఈ క్రమంలో సురక్షితమైన, ఆర్థిక, సమర్థవంతమైన మార్గం ఇంట్లో ఉండే వస్తువులను ఉపయోగించడం. మీ ఇట్టి పరిసరాల్లో ఉండే తులసి మొక్క మీ ముఖాన్ని అందంగా చేయగలదు. తులసి ఆకు మీ అందాన్ని పెంచడంలో సహాయపడుతుంది. తులసి ఆకు వల్ల జరిగే ప్రయోజనాలు.. దానిని ఉపయోగించే విధానం ఎలాగో తెలుసుకుందాం.
Kakinada Subbayya Gari Hotel: సుబ్బయ్య గారి హోటల్ భోజనంలో జెర్రీ.. సీజ్ చేసిన అధికారులు
తులసి చర్మానికి చాలా ప్రయోజనం:
అందమైన మెరిసే చర్మాన్ని పొందడానికి తులసి ఆకులు చాలా సహాయపడతాయి. తులసిలో ఉండే యాంటీ బాక్టీరియల్, యాంటీ ఫంగల్ లక్షణాలు మొటిమలను తగ్గించడంలో చాలా ఉపయోగ పడుతాయి. తులసిలో యాంటీఆక్సిడెంట్లు పుష్కలంగా లభిస్తాయి.. ఇది చర్మాన్ని కాంతివంతంగా మార్చి ఛాయను మెరుగుపరచడంలో సహాయపడుతుంది. అంతే కాకుండా.. తులసిలో యాంటీ ఏజింగ్ లక్షణాలు కూడా ఉంటాయి. ఇవి ఫైన్ లైన్స్, ముడతలు వంటి అకాల వృద్ధాప్య లక్షణాలను తగ్గిస్తుంది.
తులసితో ప్రకాశవంతం చేసే ఫేస్ ప్యాక్:
మీరు తులసి ఆకులతో మీ ముఖం కాంతివంతం చేసే ఫేస్ ప్యాక్ని తయారు చేసుకోవచ్చు. అందు కోసం తులసి ఆకులను ఎండబెట్టి పొడిగా చేసుకోవాలి. ఒక చెంచా తులసి పౌడర్లో చిటికెడు పసుపు కలిపి.. దానికి పెరుగు, రోజ్ వాటర్, తేనె కలిపి పేస్ట్ తయారు చేయాలి. దీన్ని వారానికి రెండుసార్లు చర్మానికి పూయడం వల్ల మీ చర్మం మునుపటి కంటే కాంతివంతంగా మారుతుంది. అంతే కాకుండా.. పిగ్మెంటేషన్, చిన్న మచ్చలు వంటి సమస్యలు కూడా తొలగిపోతాయి.
తులసి నుండి టోనర్ తయారు చేయండి:
చర్మం ఆరోగ్యంగా, కాంతివంతంగా ఉండాలంటే ముఖం కడుక్కున్న తర్వాత టోనర్ అప్లై చేయడం చాలా ముఖ్యం. మార్కెట్లో దొరికే టోనర్కు బదులుగా.. తులసి నుండి అద్భుతమైన టోనర్ను తయారు చేసుకోవచ్చు. దీన్ని రెడీ చేయడానికి ఒక గ్లాసు నీటిలో 10 నుండి 12 తాజా తులసి ఆకులను వేసి మరిగించాలి. ఈ నీరు సగానికి తగ్గగానే స్ప్రే బాటిల్లో నింపి నిల్వ చేసుకోవాలి. ఆ తర్వాత మీ ముఖాన్ని కడిగి స్ప్రే చేయాలి. మెరిసే చర్మానికి ఇది చాలా ఎఫెక్టివ్ రెమెడీ.
మొటిమల కోసం స్పాట్ రిడక్షన్ ప్యాచ్ చేయండి:
మీ ముఖంపై మొటిమలు ఉంటే.. వీలైనంత త్వరగా వాటిని వదిలించుకోవాలనుకుంటే తులసి ఆకులను ఉపయోగించవచ్చు. కొన్ని తాజా ఆకులను మెత్తగా పేస్ట్ లా తయారు చేసుకుని.. అందులో చిటికెడు పసుపు వేసి మొటిమలు ఉన్న చోట అప్లై చేయాలి. దీంతో.. చాలా త్వరగా ప్రయోజనాలను చూస్తారు.
తులసి నుండి యాంటీ యాక్నే జెల్ తయారు చేయండి:
తులసి ఆకుల నుండి యాంటీ-యాక్నే జెల్ను కూడా తయారు చేసుకోవచ్చు. అందు కోసం.. తులసి ఆకుల తాజా పేస్ట్ను తయారు చేసి, ఒక చెంచా అలోవెరా జెల్తో కలపాలి. దానిని రాత్రిపూట ముఖం కడుక్కుని ఉపయోగించాలి. ఇది మచ్చలేని మెరిసే చర్మాన్ని పొందడంలో మీకు చాలా సహాయపడుతుంది.
తులసి ఆకులతో శీఘ్ర సౌందర్యం:
ప్రతిరోజూ ఉదయం ముఖానికి తులసి ఆకులను కూడా రుద్దవచ్చు. ఇది సులభమైన, చాలా ప్రభావవంతమైన పద్ధతి. ఇలా రోజూ చేయడం వల్ల క్లీన్ అండ్ గ్లోయింగ్ స్కిన్ మీ సొంతం అవుతుంది. దీనితో పాటు.. మీరు ప్రతిరోజూ ఉదయం వాకింగ్ చేసేటప్పుడు కొన్ని తులసి ఆకులను కూడా నమలితే ఆరోగ్యం, చర్మం రెండింటికీ మేలు చేస్తుంది.
