Virat Kohli Doop: బంగ్లాదేశ్ అల్లర్లు విరాట్ కోహ్లీ డూప్..

Virat Kohli Doop: బంగ్లాదేశ్ లో చోటు చేసుకుంటున్న రాజకీయ పరిణామాలు తీవ్ర ఉత్కంఠగా మారాయి. ఆ దేశ ప్రధాన మంత్రి షేక్ హసీనా రాజీనామా చేసి భారత్ కు వెళ్లిపోవడంతో.. అక్కడ తాత్కాలిక ప్రభుత్వం ఏర్పాటు కావడం జరిగిపోయింది. హసీనా రాజీనామా చేసినా కూడా ఆ దేశంలో ఇంకా అల్లర్లు కొనసాగుతున్నాయి. అల్లరి మూకలు చెలరేగిపోవడంతో పాటు ఆందోళనకారులు భారీ సంఖ్యలో రోడ్లపైకి వచ్చి నానా హంగామా సృష్టిస్తున్నారు. ఈ క్రమంలో బంగ్లాదేశ్ అల్లర్లలో స్టార్ క్రికెటర్ విరాట్ కోహ్లీ డూప్ ఒకరు పాల్గొనడం సోషల్ మీడియాలో తెగ వైరల్ గా మారింది.

Read Also: Peddireddy Ramachandra Reddy: మాపై నిరాధారా ఆరోపణలు సరికాదు..అభివృద్ధిపై దృష్టి పెట్టండి?

అయితే, అచ్చం టీమిండియా స్టార్ బ్యాటర్ కింగ్ కోహ్లీని తలపించేలా ఉన్న ఓ యువకుడు రాయల్ చాలెంజర్స్ బెంగళూరు ప్రాంచైజీ క్యాప్ ధరించి ఆ ఆందోళనలో పాల్గొన్నాడం కనిపిస్తుంది. అతడ్ని అక్కడి యువకులు భుజాలపై ఎత్తుకుని ఊరేగిస్తుంటే పెద్ద ఎత్తున నినాదాలు చేస్తుండం చూడొచ్చు. ఇందుకు సంబంధించిన వీడియో నెట్టింట తెగ హల్ చల్ చేస్తుంది. అయితే ఈ వీడియో ప్రధానిగా షేక్ హసీనా రాజీనామా చేసిన అనంతరం జరిగిన సంబరాలకు సంబంధించినదిగా సమాచారం. ఈ వీడియోపై నెటినజన్లు పలు రకాల కామెంట్స్ చేస్తున్నారు.