Trump Tariffs: సుంకాలను రద్దు చేస్తూ అమెరికా సుప్రీంకోర్టు ఇచ్చిన తీర్పుపై అధ్యక్షుడు డొనాల్డ్ ట్రంప్ తీవ్రంగా మండిపడ్డారు. సుప్రీంకోర్టు తీర్పుపై తీవ్ర అసంతృప్తిని వ్యక్తం చేసిన ఆయన.. తన దగ్గర ప్లాన్ బి ఉందని తెలిపారు. గవర్నర్లతో జరిగిన ప్రైవేట్ సమావేశంలో సర్వోన్నత న్యాయస్థానం నిర్ణయం ‘అవమానకరం’ అన్నారు. ఆ జడ్జీలను చూసి సిగ్గుపడుతున్నాను అని విమర్శించాడు. అయితే, సుంకాలకు వ్యతిరేకంగా తీర్పు ఇచ్చిన ఆరుగురు జడ్జుల్లో నలుగురు మహిళా న్యాయమూర్తులు అమీ కోనీ బారెట్, సోనియా సోటోమేయర్, ఎలెనా కగన్, కేతంజీ బ్రౌన్ జాక్సన్ లతో పాటు ఇద్దరు పురుష న్యాయమూర్తులు జాన్ రాబర్ట్స్, నీల్ గోర్సుచ్ ఉన్నారు.
Read Also: OTT Thriller Movies: థ్రిల్లర్స్ మూవీస్ ఇష్టపడుతారా?.. ఈ వీకెండ్ మీకు పండుగే!
మరోవైపు, ట్రంప్ సుంకాలను సమర్థిస్తూ ముగ్గురు జడ్జిలు క్లారెన్స్ థామస్, బ్రెట్ కవనాగ్, సామ్యూల్ అలిటో తీర్పు ఇచ్చారు. ఈ తీర్పు అమెరికా న్యాయవ్యవస్థలో అభిప్రాయ భేదాలను మరోసారి స్పష్టంగా చూపిందని విశ్లేషకులు అంటున్నారు. ట్రంప్ వ్యాఖ్యలు రాజకీయంగా ఉద్రిక్తతలను మరింత పెంచే అవకాశం ఉందని, న్యాయవ్యవస్థ స్వతంత్రతపై కూడా ట్రంప్ దాడి చేసేలా వ్యవహరిస్తున్నారు అనే చర్చ జోరుగా కొనసాగుతుంది.
