Ukraine: చైనాలోని షెంజన్ వేదిక జరుగుతున్న ఆసియా-పసిఫిక్ ఎకనామిక్ కోపరేషన్(అపెక్)లో అమెరికా అధ్యక్షుడు డొనాల్డ్ ట్రంప్, రష్యా అధ్యక్షుడు వ్లాదిమిర్ పుతిన్, చైనా అధ్యక్షుడు షి జిన్పింగ్ భేటీ కాబోతున్నారు. ఈ సమావేశంపై ప్రపంచం ఆసక్తి కనబరుస్తోంది. ఇదే సమయంలో ఉక్రెయిన్ కీలక వ్యాఖ్యలు చేసింది. ఉక్రెయిన్కు సంబంధించిన ఏ అంశంపై చర్చలలోనైనా ఉక్రెయిన్ ఉండటం తప్పనిసరి అని వ్యాఖ్యానించింది. ఉక్రెయిన్ లేకుండా తమపై చర్చించడం ఏంటని ఆ దేశ విదేశాంగ మంత్రి ఆండ్రీ సిబిహా ప్రశ్నించారు. ఉక్రెయిన్ యుద్ధం ముగిసేలా ట్రంప్, జిన్పింగ్ పుతిన్పై ఒత్తిడి తీసుకురావాలని అన్నారు.
ఉక్రెయిన్ విదేశాంగ మంత్రి సిబిహా మాట్లాడుతూ..పుతిన్ను బుజ్జగించడానికి బదులుగా యుద్ధాన్ని ఆపేలా ఆయనపై ట్రంప్, జిన్పింగ్ ఒత్తిడి తీసుకురావడం మంచిదని అన్నారు. చర్చల నుంచి ఉక్రెయిన్ను మినహాయించడం రష్యా దురాక్రమణను మరింత పెంచేలా చేస్తుందని ఆయన అన్నారు. ఇదిలా ఉంటే అపెక్ సమావేశంలో పుతిన్, ట్రంప్, జిన్పింగ్ ఒకే ఫ్రేములో కనిపించారు. ఫోటోలకు ఫోజులు ఇచ్చారు.
గురువారం రష్యా, యూఎస్, చైనా త్రైపాక్షిక సమావేశంలో ఉక్రెయిన్, యూరప్ దేశాల భాగస్వామ్యం లేకుండానే ఆ మూడు దేశాలు యుద్ధంపై నిర్ణయం తీసుకోవచ్చే ఆందోళనలు ఉన్నాయి. అంతకుముందు అమెరికా అధ్యక్షుడు డొనాల్డ్ ట్రంప్ బుధవారం చైనాలోని షెన్జెన్కు చేరుకున్నారు. అధ్యక్షుడు షీ జిన్పింగ్ విమానాశ్రయంలో ఆయనకు స్వయంగా స్వాగతం పలికారు.

