Donald Trump: ‘‘ఇక మీ చావు మీరే చావండి’’.. మిత్రదేశాలపై ట్రంప్ గరంగరం..

Donald Trump: ఇరాన్ యుద్ధం నేపథ్యంలో మరోసారి యూకే, నాటో మిత్రదేశాలపై అమెరికా అధ్యక్షుడు డొనాల్డ్ ట్రంప్ విరుచుకుపడ్డారు. తీవ్ర ఆగ్రహం వ్యక్తం చేస్తూ బ్రిటన్, ఫ్రాన్స్‌లకు హెచ్చరికలు జారీ చేశారు. అమెరికా యుద్ధ విమానాలకు ఫ్రాన్స్ అనుమతి ఇవ్వడం లేదని ఆరోపించారు. ఇజ్రాయిల్‌ వైపు వెళ్తున్న తమ విమానాలకు ఫ్రాన్స్ అనుమతి నిరాకరిస్తోందని మండిపడ్డారు. ముఖ్యంగా, మిత్ర దేశం యూకే వైఖరిని ట్రంప్ తీవ్రంగా విమర్శించారు.

Read Also: Tamil Nadu Elections: స్టాలిన్, ఈపీఎస్, విజయ్: తమిళనాడు సీఎం అభ్యర్థులు పోటీ చేసేది ఇక్కడి నుంచే..

ఇరాన్ దాడుల్లో అమెరికాకు సాయం చేయదని దేశాలను ఉద్దేశిస్తూ.. వెళ్లి మీరు చమురు తెచ్చుకోండి అంటూ హెచ్చరించారు. ‘‘ఇరాన్ అగ్ర నాయకత్వాన్ని నిర్మూలించే చర్యలో పాల్గొనడానికి నిరాకరించిన దేశాలు తమకు కావాల్సిన చమురును అమెరికా నుంచి కొనుగోలు చేయాలని లేదా హార్ముజ్ జలసంధి గుండా వెళ్లి చమురు తెచ్చుకోవాలని రెండు ఆఫ్షన్లు ఇచ్చారు. ఈ విషయాన్ని సోషల్ మీడియా ట్రూత్ సోషల్‌లో రాశారు. మిత్రదేశాలపై ట్రంప్ తన అసనాన్ని వ్యక్తం చేస్తూ.. ఇకపై ఆ దేశాలు తమ కోసం తాము ఎలా పోరాడాలో నేర్చుకోవాలని, మిత్రదేశాలకు అమెరికాకు అండగా నిలవట్లేదని, అమెరికా కూడా ఇకపై వారికి సహాయం చేయడానికి అందుబాటులో ఉండదని స్పష్టం చేశారు.

బ్రిటన్‌కు చమురు విషయంలో కీలక ఆప్షన్లను ట్రంప్ సూచించారు. ‘‘హార్ముజ్ జలసంధి మూసివేత కారనంగా జెట్ ఇంధనాన్ని పొందలేకపోతున్న దేశాలన్నింటికీ, ముఖ్యంగా ఇరాన్ యుద్ధంలో పాల్గొనేందుకు నిరాకరించిన యూకే వంటి దేశాలకు నా వద్ద ఒక సలహా ఉంది. నంబర్ 1- అమెరికా నుంచి చమురు కొనుగోలు చేయండి, నంబర్ 2- మీలో ధైర్యం ఉంటే హార్ముజ్ జలసంధి నుంచి చమురు తీసుకోండి’’ అంటూ ట్రంప్ రాశారు. మీరు ఎలా పోరాడాలో నేర్చుకోవడం ప్రారంభించాలని, అమెరికా ఇకపై సాయం చేయబోదని స్పష్టం చేశారు. ఇరాన్ దాదాపుగా ఓడిపోతోందని, కష్టమైన పని పూర్తయిందని, వెళ్లి మీ చమురు మీరే తెచ్చుకోండి అని అన్నారు.