Donald Trump: అమెరికా మాజీ అధ్యక్షుడు డొనాల్డ్ ట్రంప్పై హత్యాయత్నానికి ప్రయత్నించిన నిందితుడు భారీ ప్లాన్ తోనే వచ్చినట్లు తెలుస్తోంది. పెన్సిల్వేనియాలోని బట్లర్లో ట్రంప్ ఎన్నికల ప్రచారంలో పాల్గొంటున్న సమయంలో 20 ఏళ్ల నిందితుడు థామస్ మాథ్యూ క్రూక్స్ కాల్పులు జరిపాడు. ఈ కాల్పుల్లో అదృష్టవశాత్తు బుల్లెట్ తలకు మిసై, ట్రంప్ చెవిని తాకుతూ వెళ్లింది. వెంటనే తేరుకున్న సీక్రెట్ సర్వీస్ ఏజెంట్లు ట్రంప్ని రక్షించి, నిందితుడిని హతమార్చారు.
Read Also: Anant Ambani wedding: అంబానీ వివాహ కార్యక్రమంలోకి వెళ్లేందుకు యత్నించిన ఇద్దరు ఏపీ వాసులు..
అయితే, కాల్పులు జరిపిన నిందితుడి కారులో పేలుడు పదార్థాలు ఉన్నాయని అమెరికన్ మీడియా నివేదించింది. వాల్స్ట్రీట్ జర్నల్, సీఎన్ఎస్ షూటర్ కారులో పేలుడు పదార్థాలను కనుగొన్నట్లు నివేదించాయి. అయితే, ఈ ఘటనపై అధికారులు దర్యాప్తు ముమ్మరం చేశారు. ఈ ఘటనపై అధికార డెమొక్రటిక్ పార్టీ, అధ్యక్షుడు జో బైడెన్పై రిపబ్లికన్ నాయకులు దుమ్మెత్తి పోస్తున్నారు. మరోవైపు ప్రపంచ దేశాధినేతలు ట్రంప్ త్వరగా కోలుకోవాలని కాంక్షించారు. రష్యా, ఉక్రెయిన్ యుద్దాన్ని ప్రస్తావిస్తూ ట్రంప్ దాడిపై బైడెన్ పరిపాలనను నిందించింది.
