Israel-Iran War: మరింత ప్రమాదకరంగా ఇరాన్.. ఇజ్రాయిల్-యూఎస్ కథ అడ్డం తిరిగింది..

Israel-Iran War: వారం పది రోజుల్లో ఇరాన్ దారికి వస్తుందని భావించిన అమెరికా, ఇజ్రాయిల్‌ల కల కలగానే మిగిలింది. 40 రోజుల పాటు సాగిన యుద్ధంలో ఇరాన్ కన్నా అమెరికానే ఎక్కువ నష్టపోయింది. ఇదిలా ఉంటే, ఇప్పుడు ఇజ్రాయిల్ డిఫెన్స్ ఫోర్సెస్(ఐడీఎఫ్) నివేదిక ఒకటి సంచలనంగా మారింది. ఇరాన్ కొత్త ప్రభుత్వం, పాత ప్రభుత్వం కన్నా ‘‘ప్రమాదకరం’’గా మారిందని ఇజ్రాయిల్ పార్లమెంట్‌ క్నెసెట్‌కు ఐడీఎఫ్ ఒక నివేదిక సమర్పించింది. యుద్ధం తొలిరోజే అప్పటి సుప్రీంలీడర్ ఆయతొల్లా అలీ ఖమేనీని హత్య చేసిన తర్వాత పరిస్థితులు తమకు అనుకూలంగా మారుతాయని భావిస్తే కథ అడ్డం తిరిగింది.

Read Also: Bengal Elections: “ముస్లింలను మోసం చేయడం సులభం”.. సంచలనంగా హుమాయున్ కబీర్ వీడియో..

ది టైమ్స్ ఆఫ్ ఇజ్రాయెల్ ప్రకారం, ఐడీఎఫ్ ప్రతినిధులు క్నెసెట్ విదేశీ వ్యవహారాలు మరియు రక్షణ కమిటీకి ఒక రహస్య నిఘా సమావేశంలో కొత్త పాలన గురించి వివరించారు. ప్రస్తుత పాలన నాయకులు ఇరాన్ రివల్యూషనరీ గార్డ్ కార్ప్స్ (IRGC)తో సంబంధం కలిగి ఉందని, వీరు గత రాజకీయ నాయకత్వం కంటే మరింత తీవ్రవాద భావజాలాన్ని కలిగి ఉన్నారని కమిటీకి ఇజ్రాయిల్ మిలిటరీ తెలియజేసింది.

ఒకవేళ ఈ అంచనా నిజమైతే ఇది ఇజ్రాయిల్, యూఎస్‌కు అతిపెద్ద సవాలుగా మారుతుందని చెప్పారు. 40 రోజుల యుద్ధంతో ఇరాన్ నిలబడి పోరాడింది. సైనిక శక్తులైన ఇజ్రాయిల్, యూఎస్‌ను ఎదురించి దాడులు చేసింది. హార్ముజ్ జలసంధిని మూసేసి ప్రపంచ చమురు భద్రతను సవాల్ చేసింది. ఈ మొత్తం దాడిలో ఇజ్రాయిల్ ఎయిర్ ఫోర్స్ ఇరాన్ లో 1000కి పైగా వైమానిక దాడులు చేసింది. మొత్తంగా 8500పైగా ఆపరేషన్ మిషన్లు పూర్తి చేసి, దాదాపుగా 400 లక్ష్యాలను కొట్టింది.