భూమ్మీద భార్యాభర్తల బాంధవ్యానికి ఒక ప్రత్యేకమైన గుర్తింపు ఉంది. ఎక్కడెక్కడో పుట్టిన ఒక అబ్బాయి-ఒక అమ్మాయి.. మూడు ముళ్ల బంధం చేత ఒక్కటవుతారు. అలా ఒక్కటైన జంట.. నిండు నూరేళ్లు పిల్లాపాపలతో కలిసి సంతోషంగా ఉండాలని పెద్దలంతా ఆశీర్వదిస్తారు. ఇదంతా ఒకెత్తు అయితే ఇక జీవితంలో గ్రాండ్గా జరుపుకునేది ఏదైనా ఉందంటే అది వివాహమే. ఇటీవల రిలయన్స్ అధినేత ముఖేష్ అంబానీ తన చిన్న కుమారుడు అనంత్ అంబానీ పెళ్లిన అంగరంగ వైభవంగా ప్రపంచ మంతా చెప్పుకునేలా చేశారు. ఆ పెళ్లిలో నీతా అంబానీ వివాహం యొక్క ప్రాముఖ్యతను తెలియజేసినప్పుడు అతిథుల కళ్లు చెమర్చాయి. ఇంత గొప్పదైన వైవాహిక బంధం.. కొందరి జీవితాల్లో మూణ్ణాళ్ల ముచ్చటగానే మిగిలిపోతుంది. ఇదంతా ఇప్పుడెందుకంటారా? అయితే ఈ వార్త చదవండి.
ఆ మహిళ వైవాహిక జీవితంలో ఏం ఒడుదుడుకులు వచ్చాయో.. ఏమో తెలియదు గానీ.. తన విడాకులను.. పెళ్లి కంటే గ్రాండ్గా నిర్వహించింది. ఇందుకు సంబంధించిన వీడియో ఇప్పుడు సోషల్ మీడియాలో వైరల్గా మారింది.
అమెరికాలో ఉంటున్న పాకిస్థాన్ మహిళ.. తన భర్తకు విడాకులు ఇచ్చింది. ఈ సందర్భాన్ని ఆమె చాలా వేడుకగా నిర్వహించింది. అతిథుల్ని పిలిచి గ్రాండ్గా చేసింది. స్టేజీ బ్యాక్గ్రౌండ్లో ‘డివోర్స్ ముబారక్’ అంటూ ఒక ఫ్లెక్సీ ఏర్పాటు చేసి.. దానికి ముందు బాలీవుడ్ పాటలకు ఉత్సాహంగా డ్యాన్స్ చేసింది. అక్కడికి వచ్చిన అతిథులు కూడా ఆమెను చాలా ఎంకరేజ్ చేశారు. నోట్లు వెదజల్లుతూ ఉత్సాహపరిచారు. వీడియోలో శ్రోతలు కూడా కేరింతలు కొడుతూ గంతులేశారు. అయితే ఆమె విడాకులు ఎందుకు తీసుకుందో చెప్పలేదు గానీ.. ఈ వీడియోపై పాకిస్థాన్ నెటిజన్లు.. తీవ్రస్థాయిలో ధ్వజమెత్తుతున్నారు. ఇంకొందరు నెటిజన్లు ఆమెకు సపోర్టుగా కామెంట్లు చేశారు. ప్రస్తుతం ఈ వీడియో వైరల్గా మారింది.
Social Media has done great damage to the Institution of Marriage pic.twitter.com/jQSC5bnyWb
— Professor Sahab (@ProfesorSahab) July 25, 2024