Pakistan: ఉగ్రవాదానికి పుట్టినిల్లుగా పేరుగాంచిన పాకిస్తాన్ ఐక్యరాజ్య సమితి భద్రతా మండలిలో తాత్కాలిక సభ్య దేశంగా చేరింది. రొటేషన్ పద్ధతిలో పాక్ కు ఈ ఛాన్స్ వచ్చింది. రెండేళ్ల పాటు మండలిలో తాత్కాలిక సభ్య దేశంగా కొనసాగనుందని ఐరాస భద్రతామండలి బుధవారం నాడు వెల్లడించింది. ప్రపంచం ఎదుర్కొంటున్న సమస్యల పరిష్కారానికి పాక్ తన వంతుగా క్రియాశీలక పాత్ర పోషిస్తుందని ఐరాసలో దాయాదిదేశం దౌత్యవేత్త మునీర్ అక్రమ్ పేర్కొన్నారు. దశాబ్దాల చరిత్ర కలిగిన భద్రతామండలిలో పాక్కు స్థానం లభించడం ఇది 8వ సారి. 193 దేశాలకు సభ్యత్వం ఉన్న ఐక్యరాజ్య సమితి సర్వ ప్రతినిధి సభలో జూన్లో ఓటింగ్ చేపట్టగా 182 దేశాలు పాక్కు అనుకూలంగా ఓటు వేశాయి. మూడింట రెండొంతుల మెజారిటీ (124 ఓట్లు) అవసరం కాగా అంతకుమించిన మెజార్టీ వచ్చింది.
Read Also: Rashmika : ఆ హీరోతో రష్మిక ప్రేమాయణం.. కన్ఫమ్ చేసిన నాగవంశీ
అయితే, అంతర్గత సమస్యలు, యూరప్, పశ్చిమాసియా, ఆఫ్రికాలో యుద్ధాల వేళ మండలిలో మాకు దక్కిన సభ్యత్వాన్ని సద్వినియోగం చేసుకుంటామని దౌత్యవేత్త మునీర్ అక్రమ్ తెలిపారు. ఐరాసకి అనుబంధంగా భద్రతా మండలి ఏర్పడి దశాబ్దాల కాలం దాటింది.. దీని ప్రారంభంలో 53 దేశాలతో ఏర్పడిన ఐక్యరాజ్య సమితిలో ప్రస్తుతం ఏకంగా 193 సభ్య దేశాలు ఉన్నాయి. అయితే, ప్రస్తుతం భద్రతా మండలి సభ్య దేశాల సంఖ్య 15గా ఉంది. ఇందులో శాశ్వత సభ్యదేశాలైన అమెరికా, రష్యా, చైనా, బ్రిటన్, ఫ్రాన్స్లకు మాత్రమే వీటో అధికారం ఉండగా.. మిగతా 10 తాత్కాలిక సభ్య దేశాలు రొటేషన్ పద్ధతిలో మారతాయి. 2025–26 రెండేళ్ల కాలానికి గాను పాక్ తో పాటు గ్రీస్, పనామా, డెన్మార్క్, సోమాలియాలు కొత్త సభ్య దేశాలుగా చేరిపోయాయి.
