Netanyahu: నెతన్యాహు నుంచి కొత్త వీడియో విడుదల.. ఏం చేస్తున్నారంటే..!
- నెతన్యాహు మరణించారంటూ వదంతలు
- నిన్న విడుదల చేసిన వీడియో నకిలీదిగా ప్రచారం
- తాజాగా మరో వీడియో విడుదల చేసిన నెతన్యాహు
ఇజ్రాయెల్ ప్రధాని నెతన్యాహు మరణించారంటూ సోషల్ మీడియాలో పెద్ద ఎత్తున ప్రచారం జరిగింది. అంతర్జాతీయ మీడియాలో పెద్ద ఎత్తున కథనాలు వెలువడ్డాయి. ఈ నేపథ్యంలో కాఫీ తాగుతున్నట్లుగా ఒక వీడియో వచ్చింది. అయితే ఆ వీడియో డీప్ ఫేక్ వీడియోగా చెప్పుకొచ్చారు. వీడియో నకిలీదిగా ప్రచారం జరగడంతో తాజాగ ఎక్స్లో బెంజిమెన్ నెతన్యాహు మరో వీడియో పోస్ట్ చేశారు.
ఈ వీడియోలో ఇజ్రాయెల్ పౌరులతో సంభాషిస్తున్నట్లుగా కనిపించారు.నిన్న కాఫీ తాగుతున్న వీడియో విడుదల.. ఈరోజు పర్యాటక ప్రాంతంలో ప్రజలతో కలిసి మాట్లాడిన వీడియో విడుదలైంది. ఇంట్లోనే ఉండిపోకుండా కొంతసేపు బయటకు వచ్చి గాలి పీల్చుకోవాలని నెతన్యాహు పిలుపునిచ్చారు. వదంతులు నమ్మొద్దంటూ కోరారు.
ఇది కూడా చదవండి: Oscar Awards: ఆస్కార్ వేడుకలో నటుడు ‘యుద్ధం’ ప్రస్తావన.. ప్రియాంక చోప్రా రియాక్షన్ వైరల్
ఫిబ్రవరి 28న ఇరాన్ అధ్యక్ష భవనంపై ఇజ్రాయెల్, అమెరికా సంయుక్తంగా దాడి చేశాయి. ఈ ఘటనలో ఇరాన్ సుప్రీం లీడర్ అయతుల్లా ఖమేనీ హతమయ్యాడు. దీంతో ఇరాన్ ప్రతీకార దాడులకు దిగింది. ఇజ్రాయెల్, అమెరికా మద్దతు గల గల్ఫ్ దేశాలపై ఇరాన్ దాడులు చేసింది. దీంతో పెద్ద ఎత్తున గల్ఫ్ దేశాలు దెబ్బతిన్నాయి. ఇక హార్ముజ్ జలసంధి మూసేయడంతో ప్రపంచ వ్యాప్తంగా గ్యాస్, చమురు కష్టాలు మొదలయ్యాయి. ప్రస్తుతం పశ్చిమాసియాలో యుద్ధం భీకరంగా జరుగుతోంది. ఎప్పుడు ఫుల్ స్టాప్ పడుతుందో తెలియని సందిగ్ధం నెలకొంది.
שומרים על ההנחיות ומנצחים ביחד >> pic.twitter.com/HC5w3PqKuV
— Benjamin Netanyahu – בנימין נתניהו (@netanyahu) March 16, 2026