Python As Weapon: పెంపుడు పైథాన్‌ను ఆయుధంగా వాడి.. వ్యక్తిపై దాడి

Python As Weapon: తమ పెంపుడు జంతువులను జనాలు ఎంత ప్రేమగా చూసుకుంటారో ప్రత్యేకంగా చెప్పుకోనవసరం లేదు. వాడికి ఎలాంటి హాని కలగకుండా, ఈగ కూడా వాలకుండా, తమ సొంత పిల్లల్లాగే చూసుకుంటారు. కానీ.. ఓ వ్యక్తి మాత్రం తన పెంపుడు పైథాన్‌ను అడ్డం పెట్టుకొని, వ్యక్తుల్ని బెదిరించాడు. అంతటితో ఆగకుండా.. దాన్ని తన ఆయుధంగా మార్చుకొని, ఓ వ్యక్తిపై దాడి చేశాడు. అదేదో నడుముకు వేసుకునే బెల్టు అన్నట్టుగా.. ఆ పైథాన్‌తో విచక్షణారహితంగా దాడికి పాల్పడ్డాడు. చివరికి పోలీసులు రంగంలోకి దిగడంతో.. ఆ వ్యక్తి వెనకడుగు వేశాడు. పాపం ఆ పైథాన్.. దాన్ని విడిచిపెట్టగానే, బతుకు జీవుడా అంటూ అక్కడి నుంచి పరుగు తీసింది. ఈ ఘటన కెనడాలోని టొరంటోలో చోటు చేసుకుంది. ఆ వివరాల్లోకి వెళ్తే..

Wrestlers : ప్రపంచవ్యాప్తంగా ఆందోళన చేస్తాం.. ఇండియన్ రెజ్లర్స్ కీలక నిర్ణయం..

లారెనియో అవిలా అనే 45 ఏళ్ల వ్యక్తి తన పెట్ పైథాన్‌ని పట్టుకొని, టొరంటో వీధుల్లోకి వచ్చాడు. తన పని తాను చేసుకోకుండా.. పైథాన్‌ను చూపిస్తూ, వీధుల్లో వెళ్తున్న వ్యక్తుల్ని బెదిరించడం మొదలుపెట్టాడు. ఈ క్రమంలోనే ఓ వ్యక్తి వారించగా.. నాకే చెప్తావా అంటూ అతనితో దాడికి దిగాడు. అంతటితో ఆగకుండా.. తన పైథాన్‌ని ఆయుధంగా మార్చుకొని, దాంతో ఆ వ్యక్తిని కొట్టడం ప్రారంభించాడు. తనని కొట్టొద్దని ఎంత చెప్తున్నా.. లారెనియో మాత్రం ఆగలేదు. తన పైథాన్‌తో ఆ వ్యక్తిని కొడుతూనే ఉన్నాడు. రోడ్డు మీదే పడేసి మరీ దాడికి పాల్పడ్డాడు. ఇంతలో అక్కడికి పోలీసులు చేరుకోగానే.. పైథాన్‌ను పడేశాడు. పాపం ఆ కొండచిలువ.. తనకు మోక్షం దక్కిందని భావించి, అక్కడి నుంచి వెంటనే పారిపోయింది. మరోవైపు.. లారెనియో తన తప్పేమీ లేదన్నట్టుగా, పోలీసుల ముందు అమాయకంగా నటించడానికి ప్రయత్నించాడు. నేల మీద వాలిపోయాడు.

Ex-Girlfriend Intimate Photos: మాజీ గర్ల్‌ఫ్రెండ్ నగ్న ఫోటోల్ని వైరల్ చేశాడు.. అరెస్ట్ అయ్యాడు

అయితే.. ఈ వ్యవహారంలో లారెనియోదే తప్పు కావడంతో, పోలీసులు అతడ్ని అరెస్ట్ చేశారు. ఒక వ్యక్తిపై దాడి చేయడంతో పాటు ఓ ప్రాణి (పైథాన్)ని ఇబ్బందులకు గురి చేసినందుకు గాను.. అతనిపై కొన్ని సెక్షన్ల కింద కేసు నమోదు చేశారు. కోర్టులో హాజరుపరిచారు కూడా. ఈ ఘటనపై ఓ పోలీస్ అధికారి మాట్లాడుతూ.. పైథాన్‌తో ఓ వ్యక్తి బెదిరింపులకు పాల్పడుతున్నాడని తమకు ఫోన్ కాల్ వచ్చిందని, దీంతో వెంటనే తాము ఆ ప్రాంతానికి చేరుకున్నామని తెలిపారు. తాము అక్కడికి వెళ్లి చూస్తే.. ఇద్దరు వ్యక్తులు పరస్పర దాడులు చేసుకోవడాన్ని చూశామని, ఇందులో కొండచిలువను ఆయుధంగా వినియోగించారని చెప్పారు. కాగా.. ఈ ఘటనకు సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది. 14 మిలియన్లకు పైగా ఆ వీడియోకి వ్యూస్ వచ్చాయి.

Dude uses his pet snake as a weapon during street fight in Toronto 😳 pic.twitter.com/T2lLKaLe4E

— Crazy Clips (@crazyclipsonly) May 13, 2023