Delhi Teen Arrested For Circulating Ex-Girlfriend Intimate Photos: తనకు బ్రేకప్ చెప్పిందన్న కోపంతో ఓ యువకుడు తన మాజీ ప్రియురాలిపై పగ పెంచుకున్నాడు. ఎలాగైనా ప్రతీకారం తీర్చుకోవాలని అనుకున్నాడు. దీంతో.. తామిద్దరం కలిసున్నప్పుడు దిగిన ఇంటిమేట్ ఫోటోలను సోషల్ మీడియాలో వైరల్ చేశాడు. అంతేకాదు.. ఫేక్ జీ-మెయిల్ నుంచి ఆ ఫోటోలను తన మాజీ ప్రియురాలికి కూడా పంపించాడు. అది చూసి ఖంగుతిన్న ఆ యువతి పోలీసుల్ని ఆశ్రయించింది. దీంతో.. అధికారులు రంగంలోకి దిగి, అతడ్ని అరెస్ట్ చేశారు. ఈ ఘటన దేశ రాజధాని ఢిల్లీలో చోటు చేసుకుంది. ఆ వివరాల్లోకి వెళ్తే..
Tiger Nageswara Rao: టైగర్ నాగేశ్వరరావు నుంచి క్రేజీ అప్డేట్.. ఆరోజు దద్దరిల్లిపోవాల్సిందే!
సౌత్ వెస్ట్ ఢిల్లీలోని లక్ష్మీ విహార్లో నివసిస్తున్న మానస్ లహోరా అనే 19 ఏళ్ల యువకుడు బీఎస్సీ ఎలక్ట్రానిక్స్లో ఫస్ట్ ఇయర్ చదువుతున్నాడు. 2021లో ఇతడు ఓ యువతిని ప్రేమించాడు. ఆ అమ్మాయి కూడా ప్రేమించడంతో.. ఇద్దరు కలిసి సరదాగా గడిపారు. శారీరకంగా కూడా కలిశారు. వీరి ప్రేమకథ సజావుగానే సాగింది. ఇంతలో ఏమైందో ఏమో తెలీదు కానీ, ఆ యువతి అతడ్ని దూరం పెట్టడం మొదలుపెట్టింది. ఎందుకిలా చేస్తున్నావని అడిగితే, కారణం చెప్పకుండానే బ్రేకప్ చెప్పేసింది. తన ప్రియురాలికి దగ్గరయ్యేందుకు అతడు ఎన్ని ప్రయత్నాలు చేసినా ఫలించలేదు. అప్పటి నుంచి అతడు తన మాజీ ప్రియురాలిపై కక్ష పెంచుకున్నాడు. తనని వదిలేసి వెళ్లిపోయినందుకు, ఆమెపై ప్రతీకారం తీర్చుకోవాలనుకున్నాడు. తొలుత ఫేక్ జీ-మెయిల్ క్రియేట్ చేసి.. దాని ద్వారా ఆ యువతికి, అలాగే ఆమె కుటుంబ సభ్యులకు ఆమెకు సంబంధించిన నగ్న ఫోటోలు పంపాడు. అనంతరం సోషల్ మీడియాలో లీక్ చేసి, వైరల్ చేశాడు.
Akhil Akkineni : ఏజెంట్ సినిమా రిజల్ట్పై స్పందించిన అఖిల్ అక్కినేని
తన ఇంటిమేట్ ఫోటోలు ఇలా వైరల్ అవ్వడం చూసి ఖంగుతిన్న ఆ యువతి.. తన మాజీ ప్రియుడిపై పోలీసులకు ఫిర్యాదు చేసింది. టెక్నాలజీ ఆధారంగా పోలీసులు నిందితుడ్ని అదుపులోకి తీసుకొని అరెస్ట్ చేశారు. ఏప్రిల్ 7వ తేదీన తమకు ఫిర్యాదు అందిందని.. కేసు నమోదు చేసి దర్యాప్తు చేపట్టిన తాము మే 14వ తేదీన మానస్ను అరెస్ట్ చేశామని ఓ పోలీస్ అధికారి తెలిపారు. అతని వద్ద నుంచి ల్యాప్టాప్ స్వాధీనం చేసుకొని సీజ్ చేశామన్నారు. మాజీ ప్రియురాలు తనకు బ్రేకప్ చెప్పినందుకే, మానస్ ఈ పని చేశాడని నేరం అంగీకరించినట్టు పోలీసులు వెల్లడించారు.
