అమెరికాతో ఉద్రిక్తతలు కొనసాగుతున్న వేళ ఇరాన్కు గట్టి ఎదురుదెబ్బ తగిలింది. ఇరాన్కు చెందిన ఫైటర్ జెట్ కూలిపోయింది. ఈ ఘటనలో ఇద్దరు పైలట్లు మృతిచెందారు. పశ్చిమ హమేదాన్ ప్రావిన్స్లో ఈ ప్రమాదం జరిగిందని.. ఫైటర్ జెట్లో ఇద్దరు పైలట్లు ఉండగా ఒక పైలట్ మరణించారని రాష్ట్ర ప్రసార సంస్థ వెల్లడించింది. అర్థరాత్రి శిక్షణా సమయంలో ఈ ఘటన జరిగినట్లుగా పేర్కొంది. అయితే ప్రమాదానికి గల కారణాలపై దర్యాప్తు జరుగుతోందని ఇరిబ్ టెలిగ్రామ్లో పోస్ట్ చేసింది.
ఇది కూడా చదవండి: Trump: బోర్డ్ ఆఫ్ పీస్ మీటింగ్లో పాక్ ప్రధానికి అవమానం.. ట్రంప్ ఏం చేశారంటే..!
గత కొద్దిరోజులుగా ఇరాన్-అమెరికా మధ్య ఉద్రిక్తతలు నెలకొన్నాయి. అమెరికాతో అణు ఒప్పందానికి ఇరాన్ నిరాకరిస్తోంది. ఈ నేపథ్యంలో ఇరాన్పై పెద్ద ఎత్తున దాడులు చేసేందుకు అమెరికా సిద్ధమవుతోంది. ఈ ఉద్రిక్తతల మధ్య ఇరాన్ కూడా తన సైన్యాన్ని సిద్ధం చేస్తోంది. ఈ క్రమంలోనే ఫైటర్ జెట్ కూలిపోయినట్లుగా తెలుస్తోంది.
ఇదిలా ఉంటే గురువారం వాషింగ్టన్లో జరిగిన బోర్డ్ ఆఫ్ పీస్ మీటింగ్లో ట్రంప్ మాట్లాడుతూ మరోసారి ఇరాన్కు తీవ్ర వార్నింగ్ ఇచ్చారు. రాబోయే 10 రోజుల్లో ఇరాన్పై పెద్ద విషయం జరగవచ్చని.. ఆలోపు ఇరాన్ తప్పనిసరిగా రాజీపడాలని ట్రంప్ హెచ్చరించారు. లేదంటే పరిణామాలు తీవ్రంగా ఉంటాయని సూచించారు.
ఇది కూడా చదవండి: Trump-Obama: ఒబామా చాలా తప్పు చేశారు.. ఆ వార్త లీక్ చేయడంపై ట్రంప్ అభ్యంతరం
ఇదిలా ఉంటే అమెరికాతో ఢీ అంటే ఢీ అనడానికి ఇరాన్ రెడీ అవుతోంది. అమెరికా యుద్ధ నౌకలను సముద్రంలోనే ముంచేస్తామని ఇరాన్ సుప్రీం లీడర్ అయతుల్లా ఖమేనీ హెచ్చరించారు. దీనిని బట్టి ఇరాన్ కూడా యుద్ధానికి దిగేందుకు సిద్ధపడుతున్నట్లు సంకేతాలు ఇచ్చింది. ఇక ఒమన్, జెనీవాలో జరిగిన అణు ఒప్పంద చర్చలు పూర్తిగా విఫలమయ్యాయి.
ఇది కూడా చదవండి: US-UK: ఇరాన్పై దాడికి ప్రణాళిక.. బ్రిటన్-అమెరికా మధ్య ఉద్రిక్తతలు.. కారణమిదే!
