France-Iran: గల్ఫ్ దేశాలకు ఫ్రాన్స్ మద్దతు.. ఇరాన్‌‌పై యుద్ధానికి సిద్ధంగా ఉన్నట్లు ప్రకటన

అమెరికా, ఇజ్రాయెల్‌కు మద్దతుగా ఉన్న గల్ఫ్ దేశాలపై ఇరాన్ భీకర దాడులు చేస్తోంది. పెద్ద ఎత్తున మిస్సైల్స్ ప్రయోగిస్తోంది. ఈ నేపథ్యంలో ఫ్రాన్స్ స్పందించింది. ఫ్రెంచ్ విదేశాంగ మంత్రి జీన్-నోయెల్ బారోట్ మాట్లాడుతూ.. గల్ఫ్ దేశాలను రక్షించుకోవడానికి ఫ్రాన్స్ సిద్ధంగా ఉందని తెలిపారు. గల్ఫ్ దేశాలను రక్షించేందుకు ఇరాన్‌పై దాడి చేస్తామని వెల్లడించారు. అయినా ఇరాన్‌పై దాడులు చేసే ముందు ఇజ్రాయెల్, అమెరికా ఐక్యరాజ్యసమితిలో ముందుగానే చర్చించి ఉండాల్సిందని అభిప్రాయపడ్డారు.

ఇది కూడా చదవండి: Israel-Iran war: ఇజ్రాయెల్ వైమానిక దాడుల్లో మరో ఇరాన్ మంత్రి, పెద్ద సంఖ్యలో నిఘా అధికారులు మృతి

4, 00,000 మంది ఫ్రెంచ్ పౌరులు గల్ఫ్ దేశాల్లో… చుట్టుపక్కల దేశాల్లో నివాసం ఉంటున్నారు. మరికొందరు సందర్శిస్తున్నారని తెలిపారు. గల్ఫ్ దేశాలపై క్షిపణ, డ్రోన్ దాడులు చేస్తే మాత్రం మిత్రదేశాలకు మద్దతుగా ఫ్రాన్స్ రంగంలోకి దిగితుందని ప్రకటించింది. ఫ్రెంచ్ పౌరుల భద్రతే తమకు ముఖ్యమని స్పష్టం చేసింది. సౌదీ అరేబియా, యునైటెడ్ అరబ్ ఎమిరేట్స్, ఖతార్, ఇరాక్, బహ్రెయిన్, కువైట్, ఒమన్, జోర్డాన్‌ దేశాలకు పూర్తి మద్దతు.. సంఘీభావం తెలుపుతున్నట్లు బారోట్ విలేకరులతో అన్నారు. ఆదివారం జర్మనీ, యునైటెడ్ కింగ్‌డమ్ కూడా గల్ఫ్ దేశాలకు మద్దతు తెలిపాయి. అయితే ఇప్పటి వరకు ఐరోపా పౌరులు చనిపోయినట్లుగా సమాచారం లేదని పేర్కొన్నారు.

ఇది కూడా చదవండి: Iran: ఇరాన్‌లో డేంజర్ బెల్స్.. అణు కేంద్రం నుంచి రేడియేషన్ లీక్.. శాస్త్రవేత్తల్లో భయాందోళనలు