బంగ్లాదేశ్ లో పడవ మునక…25 మంది మృతి 

బంగ్లాదేశ్ లో ఓ ఘోర పడవ ప్రమాదం జరిగింది.  బంగ్లాదేశ్ లోని పద్మ నదిలో నిత్యం వందలాది మంది పడవలపై ప్రయాణం చేస్తుంటారు.   ఇసుక రవాణా అధికంగా ఈ నది గుండా జరుగుతుంది.  అయితే,  పద్మ నదిలో 30 మంది ప్రయాణికులతో  ప్రయాణం చేస్తున్న నౌకను ఇసుక నౌక ఢీకొన్నది.  ఈ ప్రమాదంలో 25 మంది మృతి చెందారు.  ఐదుగురిని ప్రయాణికులను పోలీసులు రక్షించారు.  అయితే, ఇంకా కొంతమంది నదిలో కొట్టుకు పోయారని, వారికోసం గాలిస్తున్నట్టు పోలీసులు పేర్కొన్నారు.  పద్మ నదిలో జరిగిన ప్రమాదం పట్ల అక్కడి ప్రభుత్వం దిగ్భ్రాంతిని వ్యక్తం చేసింది.