Kashmiri Pandits: టార్గెట్ కాశ్మీరీ పండిట్స్..ఉద్యోగాలు మానకపోతే చం*పేస్తాం!
- Follow Us :
-
-
Add as a preferred
source on google
జమ్మూకాశ్మీర్లో మరోసారి పండిట్లపై ఉగ్రవాదులు కన్నెర్ర జేశారు. ఉద్యోగాలు వదిలి వెళ్లిపోవాలని… లేకపోతే ప్రాణాలు తీస్తామని లష్కరే తోయిబా అనుబంధ సంస్థ బహిరంగంగా బెదిరిస్తోంది. ఏకంగా వారి వ్యక్తిగత వివరాలను ఆన్లైన్లో లీక్ చేసి తీవ్ర భయాందోళనలకు గురి చేస్తోంది. మళ్లీ 1990ల నాటి భయానక పరిస్థితులు కాశ్మీర్ లోయలో కనిపిస్తున్నాయా అన్న అనుమానాలు కలుగుతున్నాయి. ప్రశాంతంగా తమ జీవితాలను గడుపుతున్న కాశ్మీరీ పండిట్లను ఉగ్రవాదులు ఎందుకు టార్గెట్ చేశారు.
కాశ్మీర్ లోయలో నెత్తుటి వాసనలు మళ్లీ మొదలయ్యేలా కనిపిస్తున్నాయి. మైనారిటీలైన కాశ్మీరీ పండిట్లను టార్గెట్ చేస్తూ ఉగ్రవాదులు రెచ్చిపోతున్నారు. లష్కరే తోయిబాకు చెందిన యునైటెడ్ లిబరేషన్ కౌన్సిల్ ఉగ్రవాద సంస్థ ఏకంగా 7000 మంది పండిట్లకు బెదిరింపు లేఖలు పంపింది. ప్రాణాలు నిలుపుకోవాలంటే తాము చెప్పినట్టు చేయాలని హుకుం జారీ చేసింది. పీఎం ప్యాకేజీ కింద ఉద్యోగాలు చేస్తున్న వారంతా వెంటనే తమ పనులకు రాజీనామా చేయాలని వార్నింగ్ ఇచ్చారు. అంతేకాకుండా పండిట్ల ఫోన్ నెంబర్లు, ఇళ్ల అడ్రస్ లు ఆన్లైన్లో లీక్ చేసి తీవ్రమైన భయాందోళనలు సృష్టిస్తున్నారు.
ఈ తరహా దాడులు.. బెదిరింపులు 1990 నాటి పరిస్థితులను కళ్లముందు ఉంచుతున్నాయి. అప్పట్లో ఇంటర్నెట్ లేదు కాబట్టి నేరుగా గోడల మీద పోస్టర్లు అంటించి బెదిరించే వాళ్ళని బాధితులు చెబుతున్నారు. 2008లో 3000.. ఆ తర్వాత 2015లో మరో 3000 ఉద్యోగాలతో కేంద్ర ప్రభుత్వం ఈ పీఎం ప్యాకేజీని తీసుకొచ్చింది. ప్రస్తుతం 6 వేల మందికి పైగా ఉద్యోగులు గత 15 ఏళ్లుగా లోయలో వివిధ ప్రాంతాల్లో పనిచేస్తున్నారు. అయితే ప్రభుత్వం 6042 క్వార్టర్లు నిర్మించినా కేవలం 800 క్వార్టర్లను మాత్రమే ఉద్యోగులకు కేటాయించారని వారు ఆవేదన వ్యక్తం చేస్తున్నారు.
Also Read
ఈ బెదిరింపులను దృష్టిలో పెట్టుకుని తక్షణమే భద్రతాపరమైన చర్యలను చేపట్టాలని కాశ్మీరీ పండిట్లు డిమాండ్ చేస్తున్నారు. రాకేష్ హందూ అనే ఉద్యోగి ఏకంగా ప్రధాని మోడీకి, లెఫ్టినెంట్ గవర్నర్ మనోజ్ సిన్హాకు ఫిర్యాదు చేసి ఎఫ్ఐఆర్ నమోదు చేయాలని కోరారు. ఉగ్రవాదుల ముప్పు… కాశ్మీరీ పిండిట్లను బెదిరించడంపై జమ్మూ కాశ్మీర్ రాజకీయాల్లో భిన్నాభిప్రాయాలు వ్యక్తమవుతున్నాయి. రాష్ట్ర హోదాను ఆలస్యం చేసే కుట్ర ఇందులో ఉందని ఫరూక్ అబ్దుల్లా ఆరోపిస్తుంటే… ఉగ్రవాదులకు ఆయన మద్దతు ఇస్తున్నారని బీజేపీ విమర్శిస్తోంది.
దశాబ్దాల క్రితం కాశ్మీరీ పండిట్లు… దారుణమైన మారణహోమాన్ని ఎదుర్కొన్నారు. 1989-90ల మధ్య అడ్డుఅదుపులేని ఉగ్రవాదుల చొరబాట్లతో స్థానికంగా ఉండే పండిట్లు నరకాన్ని చూశారు. వేలాది మంది ప్రాణాలు కోల్పోయారు. లక్షలాది మంది తమ చారిత్రక వారసత్వాన్ని వదిలేసి… ఇతర ప్రాంతాలకు వలస వెళ్లిపోయారు. ప్రస్తుతం మళ్లీ కాశ్మీరీ పండిట్లను ఉగ్రవాదులు రెచ్చగొట్టడంతో కాశ్మీర్ వ్యాలీలో ఉద్రిక్త పరిస్థితులు నెలకొన్నాయి.
తాజావార్తలు
-
Bharat Summit 2026: హైదరాబాద్ వేదికగా ‘భారత్ సమ్మిట్-2026’.. అన్ని పార్టీల నేతలకు ఆహ్వానం..
-
Egg Lababdar Recipe: ఎగ్ లవర్స్ కోసం పర్ఫెక్ట్ డిష్.. రెస్టారెంట్ స్టైల్ సూపర్ టేస్టీ “ఎగ్ లబాబ్దార్” సులువుగా చేసుకోండి ఇలా..!
-
Hyderabad: అమ్మాయిల ప్రాణాలతో చెలగాటం.. ఐవీఎఫ్ మాఫియా గుట్టు రట్టు
-
Grandfather’s Property: తాత నుంచి తండ్రికి వచ్చిన ఆస్తిపై.. మనవడికి హక్కు ఉంటుందా?.. సుప్రీంకోర్టు కీలక తీర్పు!
-
How to Make Hara Saag: పప్పు తిని విసుగొచ్చిందా? తాజా ఆకుకూరలతో వింటర్ స్పెషల్ డిష్ ట్రై చేయండి..
ట్రెండింగ్
-
IPL 2027 Trade: పంజాబ్ కింగ్స్కు హార్థిక్ పాండ్యా.. ముంబైకి ఆర్షదీప్ సింగ్.. ఇట్స్ అఫీషియల్..!
-
Aryaveer Sehwag: ఇచ్చిన మాట నిలబెట్టుకున్న.. వీరేంద్ర సెహ్వాగ్ కొడుకు ఎమోషనల్.!
-
రోల్స్ రాయిస్కు పోటీగా BYD కొత్త కారు.. 1,000+ కి.మీ. రేంజ్, 360 డిగ్రీలు తిరిగే BYD Yangwang Altior..!
-
New Zealand Test Squad: టీమిండియాతో టెస్ట్ సమరానికి కివీస్ రెడీ.. 14 మందితో జట్టు ప్రకటన!
-
National Education Day 2026: బట్టీ పద్ధతులకు చెక్.. ఏఐ యుగంలో ‘క్రిటికల్ థింకింగ్’