Youtuber Nahida Quardi Filed Triple Talaq Case On Husband: హైదరాబాద్లోని పహాడీ షరీఫ్లో దారుణం చోటు చేసుకుంది. భర్త వేధింపులు తాళలేక యూట్యూబర్ నహీదా ఖాద్రి పోలీస్ స్టేషన్ మెట్లెక్కింది. కొంతకాలం నుంచి మరో మహిళతో చనువుగా ఉండటం చూసి.. తన భర్త రహీముద్దీన్ని నహీదా నిలదీసింది. దీంతో ఇద్దరి మధ్య వాగ్వాదం చోటు చేసుకుంది. ఈ క్రమంలో తననే నిలదీస్తావా? అంటూ.. భర్త ట్రిపుల్ తలాక్ చెప్పాడు. ఆ దెబ్బతో ఖంగుతిన్న నహీదా.. సమస్యని పరిష్కరించడానికి ప్రయత్నించింది కానీ, ఫలితం లేకుండా పోయింది. ఇలాగైతే వ్యవహారం తెగదని భావించిన నహీదా.. భర్తకు బుద్ధి చెప్పేందుకు, అతని ఆగడాల్ని యూట్యూబ్లో వీడియో తీసి పెట్టింది. మరో మహిళతో చనువుగా ఉంటూ, భర్త మోసం చేస్తున్నాడని ఆ వీడియోలో పేర్కొంది. అనంతరం భర్త రహీముద్దీన్పై పోలీసులకు ఫిర్యాదు చేసింది. నహీదా ఫిర్యాదు భర్తపై పోలీసులు ట్రిపుల్ తలాక్ కేసు నమోదు చేశారు. అతడ్ని అరెస్ట్ చేసి, రిమాండ్కి తరలించారు.
Raghunandan Rao: మోడీ ప్రభుత్వంపై కేసీఆర్ సర్కార్ దాడి చేస్తోంది
కాగా.. నహీదా ఖాద్రి NRQ24 News పేరిట యూట్యూబ్ ఛానెల్ నిర్వహిస్తోంది. ఇందులో ఎంటర్టైన్మెంట్ వీడియోలే కాదు.. రాజకీయాలు, ఇతర సామాజిక సమస్యలపై కూడా నహీదా వీడియోలు చేస్తూ వస్తోంది. ఈ క్రమంలో ఈమెకు బెదిరింపులు రావడం, చాలా సమస్యల్లో చిక్కుకోవడం కూడా జరిగింది. తన భర్తతోనూ కలిసి కొన్ని వీడియోలు చేసింది. న్యూస్ కవరేజ్లు చేస్తూ, ఒక మినీ సెలెబ్రిటీగా ఎదిగింది. కానీ, ఇప్పుడు భర్త చేసిన పనికి వ్యక్తిగత సమస్యల్లో చిక్కుకుంది. తనని గతంలోనూ ఎన్నోసార్లు వేధింపులకు గురి చేస్తున్నాడని, ఒకానొక సమయంలో విడిచిపెట్టాలని కూడా అనుకున్నానని యూట్యూబ్లో తాను పెట్టిన వీడియోలో పేర్కొంది. కానీ, ఆ సమయంలో అనుకోని కారణాల వల్ల భర్తతో కలిసి ఉండాల్సి వచ్చిందని, అయితే గత మూడు నెలల నుంచి తనతో పాటు తన కుటుంబ సభ్యుల్ని టార్చర్ పెట్టడం మొదలుపెట్టాడని ఆమె వాపోయింది.
Naveen Reddy Atluri: సినీ హీరో నవీన్ రెడ్డి అరెస్ట్.. నమ్మించి నట్టేట ముంచాడు
