Extramarital affair: వివాహేతర సంబంధాలు పచ్చని సంసారాలను పాడు చేస్తున్నాయి. ముఖ్యంగా మహిళలు క్షణకాలం శారీరక సుఖం కోసం భర్తలను దారుణంగా చంపేస్తున్నారు. ఇలాంటి ఘటనలు దేశంలో చాలా జరుగుతున్నాయి. తాజాగా పశ్చిమ బెంగాల్ రాష్ట్రంలో ఓ మహిళ తన ప్రియుడితో కలిసి భర్తను దారుణంగా హత్య చేసింది. అతని మృతదేహాన్ని దొరకకుండా భారీ స్కెచ్ వేసింది. ఇలాంటి నేరాలు ఎంత దాచాలనుకున్నా పోలీసులకు ఎప్పుడో అప్పుడు తెలిసిపోతుంటాయి. ఈ కేసులో కూడా నిందితులు పోలీసులకు చిక్కారు.
Read Also: Ab De Villers: కొన్ని సంవత్సరాలలో భారత కెప్టెన్‌గా సంజు శాంసన్: ఏబీ డివిలియర్స్
పశ్చిమ బెంగాల్ లోని పురూలియాలో గత నెలలో జూడాన్ మహతో అనే 45 ఏళ్ల వ్యక్తిని భార్య ఉత్తర, ఆమె లవర్ క్షేత్రపాల్ మహతోతో కలిసి హత్య చేసింది. జైపూర్ నివాసి అయిన క్షేత్రపాల్ కు ఉత్తర లు కలిసి జూడాన్ ను అంతమొందించడానికి ప్లాన్ వేశారు. అతడిని చంపేసి వీరిద్దరు సుఖంగా ఏ అడ్డు లేకుండా జీవించాలని అనుకున్నారు. క్షేత్రపాల్ సూచించిన విధంగానే భార్య ఉత్తర జూడాన్ ను పదునైన ఆయుధం ఉపయోగించి చంపేసింది.
అయితే నేరం బయటపడకుండా ఉండేందుకు జూడాన్ మృతదేహం త్వరగా కుళ్లిపోయేలా ఉప్పును ఉపయోగించాలని పథకం వేశారు. పాతిపెట్టే ముందు ఉప్పును ఉపయోగించింది. అయితే జూడాన్ కుమారుడు అతని మృతదేహాన్ని మార్చి 26న కనుగొన్నాడు. ఈ కేసుపై పోలీసులు హత్యనేరాన్ని నమోదు చేశారు. విచారణ కొనసాగుతుండగా ఉత్తరే తన భర్తను హత్య చేసిందని పోలీసులు అనుమానించారు. తమదైన శైలిలో పోలీసులు విచారించగా క్షేత్రపాల్ తో ఉన్న వివాహేతర సంబంధం గురించి చెప్పింది. ఈ హత్య చేసిన తర్వాత పరిస్థితి సద్దుమణిగే వరకు క్షేత్రపాల్ జార్ఖండ్ లో తలదాచుకోవాలని అనుకున్నాడు. అయితే ఆచూకీ తెలుసుకున్న పోలీసులు అతడిని పట్టుకున్నారు. పురూలియా జిల్లా కోర్టులో హజరుపరిచారు. అతడికి ఐదురోజుల పోలీస్ కస్టడీని విధించింది కోర్టు.