ఫిజిక్స్ మాస్టర్ కెమిస్ట్రీ పాఠాలు.. స్టూడెంట్ కి మాయమాటలు చెప్పి

తిరుపతి శ్రీ చైతన్య కాలేజీలో షాకింగ్ ఘటన చోటుచేసుకొంది. పాఠాలు చెప్పాల్సిన మాస్టర్ ప్రేమపాఠాలు వల్లించాడు. విద్యార్థినికి మాయమాటలు చెప్పి ఆమెను ఎత్తుకెళ్లిపోయాడు. ఈ షాకింగ్ ఘటన ప్రస్తుతం స్థానికంగా సంచలనం రేపుతోంది. వివరాల్లోకి వెళితే.. తిరుపతి గాంధీ రోడ్డులోని చైతన్య జూనియర్ కళాశాలలో ఒక బాలిక ఇంటర్ ఫస్ట్ ఇయర్ చదువుతుంది… ఆ కాలేజ్ లో పనిచేసే ఫిజిక్స్ మాస్టర్ తో ఆమెకు పరిచయం ఏర్పడింది.. ఆ పరిచయం కాస్తా ప్రేమగా మారింది. క్లాస్ రూమ్ లో ఎవరు లేని సమయంలో ఆమెకు మాయమాటలు చెప్పి మాస్టర్ రాసలీలలు కొనసాగించేవాడు.. ఇక రోజూ ఫోన్లు, మెసేజ్ లు చూసిన బాలిక తల్లిదండ్రులు ఆమెను గద్దించారు.. ముందు చదువుకోమని, కెరీర్ ముఖ్యమని హితవు పలికారు.

ఇక ఈ విషయాన్ని బాలిక, మాస్టర్ కి తెలిపింది. ఇక ఇక్కడే ఉంటె మనిద్దరిని విడదీస్తారని ఆమెకు లేనిపోని కబుర్లు చెప్పి బాలికను తీసుకొని పారిపోయాడు. సాయంత్రం అయినా కూతురు ఇంటికి రాకపోవడంతో కాలేజీకి వచ్చిన తల్లిదండ్రులకు కూతురు, మాస్టర్ తో పాటు వెళ్లిపోయిందని తెలిసి హతాశులయ్యారు. ఇక మాస్టర్ గురించి నిలదీస్తే యాజమాన్యం నిర్లక్ష్యంగా సమాధానం చెప్పడంతో తల్లిదండ్రులు పోలీసులను ఆశ్రయించారు. బాధితుల ఫిర్యాదు మేరకు కేసు నమోదు చేసుకున్న పోలీసులు ప్రేమ జంట కోసం గాలింపు చర్యలు చేపట్టారు.