Lover Slits Girl Throat: ప్రేమను అంగీకరించలేదని.. నడిరోడ్డు మీదే చంపేశాడు
- Follow Us :
-
-
Add as a preferred
source on google
A Boy Slits Girl Throat For Not Accepting His Love: కాకినాడలో దారుణం చోటు చేసుకుంది. తన ప్రేమను అంగీకరించలేదని.. ఓ యువతిని నడిరోడ్డు మీదే గొంతు కోసి చంపేశాడు ప్రేమోన్మాది. ఆ వివరాల్లోకి వెళ్తే.. గుబ్బల వెంకట సూర్యనారాయణ(25) అనే యువకుడు కొంతకాలం నుంచి ప్రేమిస్తున్నానంటూ దేవిక(22) అనే అమ్మాయి వెంట పడుతున్నాడు. తనకు ఇష్టం లేదని, తన వెంట పడొద్దని ఆ యువతి ఎంత చెప్పినా అతడు వినలేదు. తన ప్రేమను అంగీకరించాల్సిందేనని వేధిస్తూ వచ్చాడు. దీంతో.. దేవిక ఈ విషయాన్ని తన బంధువులకు చెప్పింది. ప్రేమ పేరుతో సూర్యనారాయణ వేధిస్తున్నాడని తెలిపింది. దేవిక బంధువులు ఈ విషయాన్ని పెద్దల దృష్టికి తీసుకెళ్లి, నెల రోజుల క్రితం పంచాయితీ పెట్టారు. ఆ పంచాయితీలో అమ్మాయిని వేధించొద్దని పెద్దలు తీర్పు ఇవ్వడంతో.. సూర్యనారాయణ బంధువులు అతడ్ని తమ స్వగ్రామానికి తీసుకెళ్లారు.
అప్పటినుంచి సూర్యనారాయణ ఆ యువతి మీద పగ పెంచుకున్నాడు. తన ప్రేమని అంగీకరించకపోతే.. హతమార్చాలని నిర్ణయించుకున్నాడు. పక్కా ప్రణాళిక ప్రకారం.. తన ద్విచక్రవానంపై కూరాడ గ్రామానికి వెళ్తున్న దేవికను కూరాడ-కాండ్రేగుల గ్రామాల మధ్య సూర్యనారాయణ అడ్డగించాడు. తనను ప్రేమించాలని ఒత్తిడి చేశాడు. ఈ క్రమంలో ఇద్దరి మధ్య వాగ్వాదం జరిగింది. తాను ప్రేమించలేదే లేదని దేవిక తేల్చి చెప్పడంతో.. కోపంతో రగిలిపోయిన సూర్యనారాయణ ఆమె మెడపై కత్తితో దాడి చేశాడు. ఇది గమనించిన స్థానికులు.. కొన ఊపిరితో ఉన్న యువతిని ఆసుపత్రికి తరలించేందుకు అంబులెన్స్కి ఫోన్ చేశారు. మరోవైపు, యువకుడ్ని చెట్టుకు కట్టేసి చితకబాదారు. అయితే.. ఆసుపత్రికి తీసుకెళ్లిన తర్వాత ఆమె ప్రాణాలు విడిచిందని వైద్యులు తెలిపారు. సమాచారం అందుకున్న పోలీసులు.. ఘటనా స్థలానికి చేరుకొని, యువకుడిని అదుపులోకి తీసుకున్నారు. సూర్యనారాయణ తన వెంట యాసిడ్ సీసా కూడా తెచ్చుకున్నాడని తెలిసింది.
Also Read
- Delhi: పెళ్లి చేసుకోవాలని ఇన్ఫ్లుయెన్సర్ ఇంట్లోకి చొరబడ్డ యువకుడు.. కొట్టి చంపిన బంధువులు.
- Pakistan ISI Honey Trap: విడాకులు తీసుకున్న, నిరుద్యోగ భారతీయ మహిళలే టార్గెట్.. పాకిస్తాన్ ఐఎస్ఐ హనీట్రాప్!
- TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
- Maharashtra: అక్రమ సంబంధం.. సుపారీ హత్య.. భర్త స్నేహితురాలిని చంపించిన భార్య..
కాగా.. ఈ ఘటనపై హోంమంత్రి తానేటి వనిత ఆరా తీశారు. పోలీసు ఉన్నతాధికారులతో ఫోన్లో మాట్లాడి.. వివరాలు అడిగి తెలుసుకున్నారు. సంఘటన జరిగిన వెంటనే తాము నిందితున్ని అదుపులోకి తీసుకున్నామని పోలీసులు తెలిపారు. ఈ సందర్భంగా.. నిందితునిపై కఠిన చర్యలు తీసుకోవాలని పోలీసుల్ని ఆదేశించారు. అమ్మాయిలపై దాడులకు పాల్పడితే కఠిన చర్యలు తప్పవని హెచ్చరించిన వనిత.. బాధితురాలి కుటుంబసభ్యులకు ప్రగాఢ సానుభూతిని తెలిపారు.
తాజావార్తలు
-
Trump Praises India’s GDP Growth: భారత్ను చూసి నేర్చుకోవాలి.. దేశ ఆర్థిక వృద్ధిపై ట్రంప్ ప్రశంసలు
-
Astrology: నవంబర్ 21 శనివారం దినఫలాలు.. ఈ రాశులవారికి అన్నీ శుభాలే.. కానీ..!
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!
-
OTR : బంగారం, వెండి ధరలు ఎందుకు తగ్గుతున్నాయి? విలువైన లోహాల భవిష్యత్తు ఎలా ఉండబోతోంది?
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!