WhatsApp: వాట్సాప్‌లో మరో సరికొత్త ఫీచర్‌.. ఇక ఇలా చేయొచ్చు..

WhatsApp: ఇన్‌స్టంట్ మెసేజింగ్ యాప్ వాట్సాప్‌ తన యూజర్ల అభిరుచికి తగినట్టుగా ఎప్పటికప్పుడు మార్పులు చేస్తూనే ఉంది.. సరికొత్త ఫీచర్స్‌ అందుబాటులోకి తెస్తోంది.. గతంలో.. ప్రస్తుతం.. యూజర్లు ఎదుర్కొంటున్న సమస్యలను దృష్టిలో పెట్టుకుని.. వారికి ఇకపై ఆ ఇబ్బందులు ఉండొద్దు.. అనే కోణంలో.. కొత్త కొత్త ఫీచర్స్‌ తీసుకొస్తూనే ఉంది వాట్సాప్‌.. తాజాగా, మరో కీలకమైన కొత్త ఫీచర్‌ను పరిచయం చేసేందుకు సన్నద్ధమవుతోంది. పంపించిన మెసేజులను ఎడిట్ చేసుకునే ఆప్షన్‌ను త్వరలోనే అందరికీ అందుబాటులోకి తీసుకురావడానికి సిద్ధమైంది వాట్సాప్‌ టీమ్‌..

Read Also: Harish Rao: మెడికో ప్రీతి ఘటన బాధాకరం.. పూర్తిస్థాయిలో విచారణ

ప్రస్తుతం ఐవోఎస్ బెటా యూజర్లకు ఈ కొత్త ఫీచర్‌ను పరిచయం చేయడంపై ఫోకస్‌ పెట్టింది వాట్సాప్‌.. ఈ విషయాన్ని వాట్సాప్‌కు సంబంధించిన అప్‌డేట్‌లను రిపోర్ట్ చేసే వాబెటాఇన్ఫో వెబ్‌సైట్ తన రిపోర్టులో పేర్కొంది. వాట్సాప్‌ త్వరలో తీసుకురానున్న అప్‌డేట్‌లలో ఈ ఫీచర్ కూడా ఉండనున్నట్టు ఆ సంస్థ వర్గాలు చెబుతున్నాయి.. వాట్సాప్‌ తీసుకొస్తోన్న సరికొత్త ఫీచర్‌ ప్రకారం.. వాట్సప్‌లో మెసేజ్ పంపించిన 15 నిమిషాల వ్యవధిలోనే యూజర్లకు ఎడిట్ చేసుకునే అవకాశం కూడా ఉండబోతోంది.. ఒకవేళ మెసేజ్ తప్పుగా పంపించినా లేదా మరింత సమాచారాన్ని జోడించాలనుకున్నా ఈ ఎడిట్ ఫీచర్‌ను ఉపయోగించుకోవచ్చు అంటోంది వాట్సాప్‌.. అయితే.. సెంట్ మెసేజ్‌ను డిలీట్ చేసుకునే వెసులుబాటును ఇప్పటికే తీసుకొచ్చింది ఈ ఇన్‌స్టంట్‌ మెసేజింగ్‌ యాప్.. ఇకపై మెసేజ్‌ మొత్తం డిలీట్‌ చేయాల్సిన అవసరం లేకుండా.. ఎడిట్ ఫీచర్‌ను అందుబాటులోకి తేనుంది.. అది అందుబాటులోకి వస్తే.. మెసేజ్ మొత్తాన్ని డిలీట్ చేయకుండా ఎడిట్ చేసుకుంటే సరిపోతోంది అంటున్నాయి ఆ సంస్థ వర్గాలు..

టెలిగ్రామ్ మాదిరిగా కాకుండా, టెక్స్ట్ పంపిన క్షణం నుండి 15 నిమిషాల కాలపరిమితితో వినియోగదారులు పంపిన సందేశాలను ఎలా సవరించవచ్చో పరిమితం చేయాలని వాట్సాప్ భావిస్తుంది. పంపిన సందేశాలను ఎడిటింగ్ చేయడానికి ఇదే విధమైన విధానాన్ని IMessage అవలంబిస్తుంది. వాట్సాప్ పంపినవారు సవరించిన సందేశాలపై సవరించిన లేబుల్‌ను కూడా ప్రదర్శిస్తుంది. ఈ లక్షణం చిత్రాలు, వీడియోలు లేదా పత్రాల కోసం మాత్రమే కాకుండా.. సందేశాల కోసం మాత్రమే పని చేస్తుంది. అయితే ఇది ప్రజలకు ఎప్పటి నుంచి అందుబాటులో వస్తుంది అనేదానిపై క్లారిటీ రావాల్సి ఉంది..