Railway Group Ticket Booking: రైల్వే టికెట్ బుకింగ్ నిబంధనల్లో భారీ మార్పు.. కొత్త రూల్స్ ఇవే
- Follow Us :
-
-
Add as a preferred
source on google
Railway Group Ticket Booking: రైలులో కుటుంబ సభ్యులు, స్నేహితులు, బంధువులతో కలిసి ప్రయాణించాలనుకునే వారికి భారతీయ రైల్వే నుంచి శుభవార్త. ముఖ్యంగా పెళ్లిళ్లు, తీర్థయాత్రలు, విద్యా విహారయాత్రలు, క్రీడా పోటీలు, సాంస్కృతిక కార్యక్రమాల కోసం పెద్ద సంఖ్యలో ఒకేసారి ప్రయాణించే వారికి దక్షిణ పశ్చిమ రైల్వే (South Western Railway – SWR) కీలక నిర్ణయం తీసుకుంది. గ్రూప్, బల్క్ టికెట్ బుకింగ్కు సంబంధించి గతంలో ఉన్న సీట్ల గరిష్ఠ పరిమితిని తొలగించింది. ఈ మేరకు కొత్త నిబంధనలతో అధికారిక నోటిఫికేషన్ విడుదల చేసింది. ఈ నిర్ణయంతో ఇకపై పెద్ద సంఖ్యలో ప్రయాణికులు ఒకేసారి రిజర్వేషన్ చేసుకునేందుకు అవకాశం కలగనుంది. అయితే, ఇందుకు రైల్వే విధించిన కొన్ని నిబంధనలు తప్పనిసరిగా పాటించాలి.
ఇప్పటివరకు గ్రూప్ లేదా బల్క్ టికెట్లు బుక్ చేసుకునేటప్పుడు ప్రయాణికుల సంఖ్య, బెర్త్లకు సంబంధించి కొన్ని పరిమితులు ఉండేవి. తాజాగా దక్షిణ పశ్చిమ రైల్వే ఈ గరిష్ఠ పరిమితులను తొలగించింది. దీంతో ఒకేసారి పెద్ద సంఖ్యలో ప్రయాణికులకు టికెట్లు బుక్ చేసుకునే అవకాశం ఉంటుంది. ఈ సదుపాయం అన్ని తరగతుల రిజర్వేషన్లకు వర్తిస్తుంది. కన్ఫర్మ్ టికెట్లు, RAC, వెయిటింగ్ లిస్ట్ టికెట్లకు కూడా ఈ నిబంధనలు వర్తిస్తాయి. అయితే, బుకింగ్ పరిమితి తొలగించారంటే అందరికీ కన్ఫర్మ్ బెర్తులు లభిస్తాయని కాదు. రైలులో అందుబాటులో ఉన్న సీట్లు, బెర్తులు, రైల్వే రిజర్వేషన్ నిబంధనల ఆధారంగానే టికెట్లు కేటాయిస్తారు.
Also Read
- IndusInd Bank: ఇండస్ఇండ్ మాజీ సీఈఓపై వేటు.. వేతనం వెనక్కి.. కారణం ఇదే..
- Gold and Silver Prices: గోల్డ్, సిల్వర్ ధరల్లో భారీ పతనం.. వారం రోజుల్లో ఎంత తగ్గిందంటే..?
- EPFO New SWP Scheme: EPFO కొత్త ప్రతిపాదనతో ఉద్యోగులకు ప్రయోజనమా? SWP, ట్యాక్స్ రూల్స్ ఇవే!
- Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా 'రేడియం పౌడర్' మిక్స్..
కొత్త నిబంధనల ప్రకారం గ్రూప్ టికెట్ బుకింగ్ సదుపాయం ఉదయం 9 గంటల నుంచి ప్రారంభమవుతుంది. ఈ సదుపాయం ప్రధాన రైల్వే స్టేషన్లలో మాత్రమే అందుబాటులో ఉంటుంది. ప్రస్తుతం అడ్వాన్స్ రిజర్వేషన్ పీరియడ్ (ARP) ప్రకారం ప్రయాణ తేదీకి 60 రోజుల ముందు ఉదయం 8 గంటల నుంచి సాధారణ టికెట్ బుకింగ్ ప్రారంభమవుతుంది. అయితే గ్రూప్, బల్క్ రిజర్వేషన్ కోసం ఉదయం 9 గంటల నుంచి సంబంధిత అధికారులను సంప్రదించాల్సి ఉంటుంది. ఉదాహరణకు.. మీరు 60 రోజుల తర్వాత ప్రయాణం చేయాలనుకుంటే సాధారణ రిజర్వేషన్ ఉదయం 8 గంటలకు ప్రారంభమవుతుంది. గ్రూప్ బుకింగ్ కోసం మాత్రం ఉదయం 9 గంటల నుంచి దరఖాస్తు చేసుకోవచ్చు.
కొత్త నిబంధనల ప్రకారం బల్క్ రిజర్వేషన్కు అనుమతి ఇచ్చే అధికారాలను చీఫ్ రిజర్వేషన్ సూపర్వైజర్ (CRS), స్టేషన్ మేనేజర్ (SM)లకు అప్పగించారు. గతంలో బల్క్ టికెట్ బుకింగ్కు సంబంధించి కొన్ని పరిమితులు, అధికారాల పరిధి ఉండేది. ఇప్పుడు వాటిని తొలగించి సంబంధిత అధికారులకు అనుమతి ఇచ్చే బాధ్యతను అప్పగించారు. దీంతో పెద్ద సంఖ్యలో ప్రయాణికులు ఒకేసారి టికెట్లు బుక్ చేసుకోవడానికి మరింత సులభతరం కానుంది.
దక్షిణ పశ్చిమ రైల్వే ప్రకారం నిజమైన అవసరాల కోసం గ్రూప్గా ప్రయాణించే వారికి ఈ సదుపాయం అందుబాటులో ఉంటుంది.
పెళ్లిళ్లు, శుభకార్యాలకు వెళ్లే కుటుంబ సభ్యులు, బంధువులు.
పాఠశాలలు, కళాశాలల విద్యార్థుల విద్యా విహారయాత్రలు.
తీర్థయాత్రలకు వెళ్లే భక్తులు.
క్రీడా పోటీల్లో పాల్గొనే జట్లు.
సాంస్కృతిక కార్యక్రమాలకు వెళ్లే బృందాలు.
ఇతర సామూహిక కార్యక్రమాల కోసం ప్రయాణించే గ్రూపులు.
ఈ సదుపాయం అన్ని తరగతుల రిజర్వేషన్లకు వర్తిస్తుంది.
బల్క్ టికెట్లు బుక్ చేసుకోవాలనుకునే వారు ప్రయాణ ఉద్దేశాన్ని స్పష్టంగా తెలియజేయాలి. ప్రయాణానికి సరైన కారణం వెల్లడించకపోతే రైల్వే అధికారులు బల్క్ బుకింగ్కు అనుమతి ఇవ్వరు. అలాగే గ్రూపులో ప్రయాణించే ప్రతి ఒక్కరి వివరాలను సమర్పించాలి.
ప్రయాణికుడి పూర్తి పేరు.
వయస్సు.
లింగం (జెండర్).
చిరునామా.
ప్రయాణ ఉద్దేశం.
ఈ వివరాలను పరిశీలించిన తర్వాత సంబంధిత రైల్వే అధికారులు నిబంధనల ప్రకారం బల్క్ రిజర్వేషన్కు అనుమతి ఇస్తారు. పెద్ద సంఖ్యలో టికెట్లు బుక్ చేసుకోవాలనుకునే ప్రయాణికులు ట్రావెల్ ఏజెంట్లను సంప్రదించకుండా నేరుగా సంబంధిత రైల్వే అధికారులను సంప్రదించాలని దక్షిణ పశ్చిమ రైల్వే సూచించింది. అయితే విదేశీ పర్యాటకులు, ఎన్నారై (NRI) ప్రయాణికుల విషయంలో ప్రస్తుతం అమల్లో ఉన్న నిబంధనల ప్రకారం ట్రావెల్ ఏజెంట్ల ద్వారా బుకింగ్ చేసుకునే వెసులుబాటు కొనసాగుతుంది.
తాజావార్తలు
-
Railway Group Ticket Booking: రైల్వే టికెట్ బుకింగ్ నిబంధనల్లో భారీ మార్పు.. కొత్త రూల్స్ ఇవే
-
Astrology: నవంబర్ 22 ఆదివారం దినఫలాలు.. ఈ పూజలు చేయండి కలిసి వస్తుంది..!
-
Kimchi Day : కిమ్చీ.. కొరియా వంటకం వెనుక ఆరోగ్య రహస్యం
-
Story Board : రాయితీలు తీసుకుంటూ ఉద్యోగాలు ఎందుకు ఇవ్వరు?
-
Koti Deepotsavam 2026 : కోటి దీపోత్సవంలో అద్భుత ఘట్టం.. వైభవంగా తులసీ దామోదర కల్యాణం.!
ట్రెండింగ్
-
Microwave Cleaning Hacks : ఓవెన్లో మొండి మరకలా బెడదా.?.. 5 నిమిషాల ట్రిక్తో క్లీనింగ్ ఈజీ
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!