Amazon Layoff: అమెజాన్లో వందలాది ఉద్యోగుల తొలగింపు.. ఈ సారి అలెక్సా వంతు..
Amazon Layoff: ప్రముఖ ఇ-కామర్స్ దిగ్గజం అమెజాన్ మరోసారి ఉద్యోగులను తొలగిస్తూ నిర్ణయం తీసుకుంది. గత కొన్ని రోజులుగా వివిధ విభాగాల నుంచి వందలాది మందికి లేఆఫ్ ప్రకటించింది. ఈ సారి అలెక్సా విభాగం నుంచి వందలాది ఉద్యోగులను తొలగించింది. ఆర్టిఫిషియల్ ఇంటెలిజెన్స్(AI) సంస్థ దృష్టి పెట్టడంతో ఈ తొలగింపులను చేపట్టింది. గతేడాది నుంచి ప్రముఖ టెక్ కంపెనీలు ఇలా వరసగా ఉద్యోగులను తొలగిస్తున్నాయి.
తొలగింపులపై అలెక్సా, ఫైర్ టీవ విభాగాల వైస్ ప్రెసిడెంట్ డేనియన్ రౌశ్ ఈ మేరకు ఉద్యోగులకు లేఖ రాశారు. మారుతున్న వ్యాపార ప్రాధాన్యతల్లో భాగంగా మరింత మెరుగ్గా రాణించే ప్రయత్నంలో కొన్నింటిలో మార్పులు చేపడుతున్నట్లు తెలిపారు. ఇందులో భాగంగా ఉత్పాదకత పెంచడం, ఏఐపై ఫోకస్ పెట్టడం వంటివి ఉన్నాయని వెల్లడించారు. అయితే ఎంత మంది తాజా లేఆఫ్స్లో ఉద్యోగాలు కోల్పోతున్నారనే దానిపై స్పష్టత ఇవ్వలేదు.
Read Also: Pass Word: ఏందిరా అయ్యా..! ప్రపంచవ్యాప్తంగా 45 లక్షల మంది ఇదే పాస్ వర్డ్ వాడుతున్నారా..!
గత కొన్ని రోజులుగా అమెజాన్ వివిధ విభాగాల నుంచి ఉద్యోగులను తొలగిస్తోంది. ఇటీవల తన గేమింగ్ డివిజన్ నుంచి 180 మందిని తొలగించింది. అంతకుముందు వారం స్ట్రీమింగ్ మ్యూజిక్, పోడ్ కాస్ట్ విభాగంలో ఉద్యోగులను తీసేసింది. ఈ త్రైమాసికంలో అమెజాన్ మంచి వృద్ధిరేటు కనబరిచినా కూడా ఉద్యోగులకు ఉద్వాసన పలకడం గమనార్హం.
ఆర్థికమాంద్య భయాలు, ఆర్థిక మందగమనం కారణాల వల్ల గతేడాది నవంబర్ నుంచి పలు టెక్ దిగ్గజాలు అనేక మందిని తొలగిస్తోంది. అమెజాన్ ఏకంగా 18,000 మందిని తొలగించింది. ఆ తర్వాత కూడా ఉద్యోగులను పలు దశల్లో తొలగిస్తూ వస్తోంది. టెక్ దిగ్గజ కంపెనీలైన మెటా, గూగుల్, మైక్రోసాఫ్ట్లు కూడా వేల సంఖ్యలో ఉద్యోగుల్ని తీసేశాయి.