Honda ADV 160: హోండా నుంచి మరో కొత్త స్కూటర్.. ఇక ఆ బైకులకు దడే..!
- హోండా కొత్త ప్రీమియం స్కూటర్ - ADV 160 ని భారతదేశంలో త్వరలో లాంచ్
- ప్రీమియం విభాగంలో కొత్త స్కూటర్ను ప్రవేశపెట్టడానికి సన్నాహాలు
- గొప్ప ఫీచర్లతో పాటు స్పోర్టీ డిజైన్తో తీసుకురానున్న కంపెనీ.
హోండా కొత్త ప్రీమియం స్కూటర్ – ADV 160 ని భారతదేశంలో త్వరలో లాంచ్ చేయనుంది. భారత మార్కెట్లో వివిధ విభాగాలలో ద్విచక్ర వాహనాలను విక్రయించే జపనీస్ తయారీదారు హోండా మోటార్సైకిల్ అండ్ స్కూటర్ ఇండియా (HMSI), ప్రీమియం విభాగంలో కొత్త స్కూటర్ను ప్రవేశపెట్టడానికి సన్నాహాలు చేస్తోంది. మీడియా నివేదికల ప్రకారం.. హోండా భారతదేశంలో ఏ స్కూటర్ను ఎలాంటి ఫీచర్లు, ఇంజిన్తో ఎప్పుడు విడుదల చేస్తుందో వివరంగా తెలుసుకుందాం…
Read Also: Delhi CM: ఢిల్లీకి మహిళా ముఖ్యమంత్రి..? ఎవరికి ఛాన్సుంది..?
హోండా కొత్త స్కూటర్: ADV 160
మీడియా నివేదికల ప్రకారం, హోండా ADV 160 మ్యాక్సీ స్కూటర్ను ఇండియాకి తీసుకురావాలని భావిస్తున్నారు. అయితే, ఈ విషయంపై హోండా ఇంకా అధికారిక సమాచారం ఇవ్వలేదు. ఫీచర్ల విషయానికొస్తే.. హోండా ADV 160 స్కూటర్ను అనేక గొప్ప ఫీచర్లతో పాటు స్పోర్టీ డిజైన్తో తీసుకురానున్నారు. ఈ స్కూటర్లో డ్యూయల్ LED హెడ్లైట్లు, పెద్ద మరియు సర్దుబాటు చేయగల విండ్స్క్రీన్, స్టెప్డ్ సీట్లు, డిజిటల్ ఇన్స్ట్రుమెంట్ క్లస్టర్, కీ-లెస్ ఇగ్నిషన్, ఐడిల్ స్టార్ట్/స్టాప్, USB ఛార్జర్ ఉండనున్నాయి. అంతేకాకుండా.. ఈ స్కూటర్ రెండు చక్రాల్లో డిస్క్ బ్రేక్లు ఉంటాయి. అలాగే.. 13 అంగుళాలు, 14 అంగుళాల అల్లాయ్ వీల్స్ కూడా ఉంటాయి.
ఇంజిన్ విషయానికొస్తే..
ADV 160 స్కూటర్లో 157cc సామర్థ్యం గల సింగిల్ సిలిండర్ ఇంజిన్ అమర్చబడవచ్చు. ఈ ఇంజిన్ 15.7 bhp శక్తిని, 14.7 న్యూటన్ మీటర్ టార్క్ను అందిస్తుంది. అయితే.. ఈ స్కూటర్కు సంబంధించి కంపెనీ అధికారిక విడుదల తేదీని వెల్లడించలేదు. 2026 ప్రారంభంలో లాంచ్ చేయవచ్చని అంచనా వేస్తున్నారు. ఇక ధర విషయానికొస్తే.. ADV 160 స్కూటర్ ధర రూ. 1.70 లక్షల నుండి రూ. 2 లక్షల ఎక్స్-షోరూమ్ ధర మధ్య ఉండవచ్చు. కాగా.. ఈ బైకు భారత మార్కెట్లో ప్రీమియం స్కూటర్ విభాగంలో యమహా ఏరోక్స్ 155, త్వరలో విడుదల కానున్న హీరో జూమ్ 160తో పోటీ పడే అవకాశం ఉంది.