Hero Glamour X 125: హీరో గ్లామర్ ఎక్స్ 125 కొత్త అప్‌డేట్‌తో లాంచ్.. రైడింగ్ మోడ్‌లతో పాటు క్రూయిజ్ కంట్రోల్, ABS!
- 125cc బైక్‌లో సరికొత్త టెక్నాలజీ
- Hero Glamour X 125లో ఇవన్నీ ఉన్నాయి
- Follow Us :
-
-
Add as a preferred
source on google
Hero Glamour X 125: ప్రముఖ ద్విచక్ర వాహన తయారీ సంస్థ Hero MotoCorp పాపులర్ కమ్యూటర్ బైక్ Glamour X 125ను కీలకమైన అప్‌డేట్‌లతో మార్కెట్లోకి తీసుకొచ్చింది. కొత్త వెర్షన్‌లో భద్రతకు మరింత ప్రాధాన్యత ఇస్తూ ఇంటిగ్రేటెడ్ బ్రేకింగ్ సిస్టమ్ (IBS)తో సింగిల్-ఛానల్ ABSను అందించింది. దీంతో 125cc విభాగంలో ఈ టెక్నాలజీని అందిస్తున్న ప్రత్యేకమైన మోడళ్లలో Glamour X 125 ఒకటిగా నిలిచింది.
ABSతో మరింత సేఫ్ రైడింగ్
కొత్త Hero Glamour X 125లో తొలిసారిగా యాంటీ-లాక్ బ్రేకింగ్ సిస్టమ్ (ABS)ను అందించారు. వివిధ రకాల రోడ్డు కండీషన్స్ లో బ్రేకింగ్ సమయంలో వీల్స్ లాక్ కాకుండా నియంత్రించడంలో ABS సహాయపడుతుంది. ముఖ్యంగా అకస్మాత్తుగా బ్రేకులు వేయాల్సిన సందర్భాల్లో బైక్ స్టెబిలిటీని మెరుగుపరచడంతో పాటు రైడర్‌కు మరింత నమ్మకాన్ని అందిస్తుంది. బైక్‌లో ఇప్పటికే ఉన్న పానిక్ బ్రేక్ అలర్ట్, హజార్డ్ ల్యాంప్స్ వంటి సేఫ్టీ ఫీచర్లకు కొత్త ABS మరింత అదనపు భద్రతను అందిస్తుంది.
మస్కులర్ డిజైన్
Glamour X 125ను స్పోర్టీ, మస్కులర్ డిజైన్‌తో రూపొందించారు. రోడ్డుపై ప్రత్యేకంగా కనిపించేలా బాడీ డిజైన్‌తో పాటు స్పోర్టీ గ్రాఫిక్స్‌ను అందించారు. ఇందులో H-సిగ్నేచర్‌తో కూడిన ఫుల్ LED లైటింగ్ ప్యాకేజీ ఉంది. దీంతో బైక్‌కు ప్రీమియం లుక్ రావడంతో పాటు రాత్రి సమయంలో మెరుగైన విజిబిలిటీ కూడా లభిస్తుంది.
10.7 సెం.మీ అడాప్టివ్ మల్టీ-కలర్ కన్సోల్
కొత్త Glamour X 125లో టెక్నాలజీ పరంగా కూడా అనేక ఫీచర్లను అందించారు. ఇందులో 10.7 సెం.మీ అడాప్టివ్ మల్టీ-కలర్ డిస్‌ప్లే ఉంటుంది. ఈ డిజిటల్ కన్సోల్‌లో 60కి పైగా ఫీచర్లు అందుబాటులో ఉన్నాయని కంపెనీ తెలిపింది. ఇందులో గేర్ షిఫ్ట్ అడ్వైజరీ, డిస్టెన్స్-టు-ఎంప్టీ, రియల్ టైమ్ మైలేజ్ ఇండికేటర్, బ్లూటూత్ కనెక్టివిటీ, టర్న్-బై-టర్న్ నావిగేషన్, ETA డిస్‌ప్లే, కాల్ అలర్ట్స్, SMS అలర్ట్స్ వంటి ఫీచర్లు ఉన్నాయి.
మూడు రైడింగ్ మోడ్‌లు
కొత్త Glamour X 125లో రైడర్ల అవసరాలకు అనుగుణంగా Eco, Road, Power అనే మూడు రైడింగ్ మోడ్‌లను అందించారు. Eco మోడ్ మెరుగైన ఇంధన సామర్థ్యానికి ఉపయోగపడేలా, Road మోడ్ సాధారణ రోజువారీ రైడింగ్‌కు, Power మోడ్ మెరుగైన పనితీరును కోరుకునే రైడర్లకు ఉపయోగపడేలా రూపొందించారు.
11.4 bhp పవర్ ఇచ్చే ఇంజిన్
Hero Glamour X 125లో Sprint-EBT ఇంజిన్ను ఉపయోగించారు. ఈ ఇంజిన్ 8,250 rpm వద్ద 11.4 bhp పవర్ ను ఉత్పత్తి చేస్తుంది. మరో ప్రత్యేక ఫీచర్‌గా ఇందులో క్రూయిజ్ కంట్రోల్ ను కూడా అందించారు. సాధారణంగా భారీ కెపాసిటీ బైక్‌లలో కనిపించే ఈ ఫీచర్ 125cc విభాగంలో Glamour X 125ను మరింత ప్రత్యేకంగా నిలబెడుతుంది.
కంఫర్ట్‌కు ప్రాధాన్యత
రోజువారీ ప్రయాణాలను దృష్టిలో పెట్టుకుని బైక్ రైడింగ్ పొజిషన్‌ను కూడా సౌకర్యవంతంగా ఉండేలా రూపొందించారు. ఇందులో వెడల్పాటి హ్యాండిల్‌బార్, పొడవైన ఫ్లాట్ సీట్, కంఫర్టబుల్ రైడింగ్ పొజిషన్‌తో పాటు తక్కువ సీట్ హైట్‌ను అందించారు. దీంతో నగరాల్లో ట్రాఫిక్ మధ్య రోజువారీ రైడింగ్‌తో పాటు ఎక్కువ దూరం ప్రయాణించే సమయంలో కూడా రైడర్‌కు సౌకర్యంగా ఉంటుందని కంపెనీ పేర్కొంది.
మొబైల్ స్టోరేజ్, USB టైప్-C పోర్ట్
టెక్నాలజీ పరంగా మరో ఉపయోగకరమైన ఫీచర్‌గా సీట్ కింద డ్యూయల్ మొబైల్ స్టోరేజ్ ను అందించారు. దీంతో రైడర్లు తమ స్మార్ట్‌ఫోన్‌లను సురక్షితంగా ఉంచుకోవచ్చు. అదే విధంగా, ప్రయాణ సమయంలో ఫోన్ ఛార్జింగ్ కోసం USB Type-C ఛార్జింగ్ పోర్ట్ కూడా ఉంది.
Hero Glamour X 125 ధర
కొత్త Hero Glamour X 125 ఇంటిగ్రేటెడ్ ABS వెర్షన్ ఎక్స్-షోరూమ్ ధర రూ.1,01,000గా నిర్ణయించారు. ABS, మూడు రైడింగ్ మోడ్‌లు, క్రూయిజ్ కంట్రోల్, కనెక్టెడ్ ఫీచర్లు వంటి అంశాలతో 125cc కమ్యూటర్ విభాగంలో కొత్త Glamour X 125 రైడర్లను ఆకట్టుకునే అవకాశం ఉంది.