కుప్పకూలిన అనంతరపురం కలెక్టర్‌ భవనంపై కప్పు !

అనంతపురం కలెక్టర్‌ కార్యాలయం లో ఘోర ప్రమాదం తప్పి పోయింది. ఆ జిల్లా కలెక్టర్‌ బంగ్లాలోని ఓ గది పై కప్పు కుప్ప.. ఒక్క సారిగా కూలిపోయింది. ఈ ఘటన ఇవాళ ఉదయం చోటు చేసుకున్నట్లు సమాచారం అందుతోంది. అనంతపురం కలెక్టర్‌ కార్యాలయం లో మరమ్మత్తు పనులు జరుగుతున్నాయి. బ్రిటిష్ కాలం నాటి భవనం కావడంతో.. ఈ మరమ్మత్తు పనులు చేయిస్తున్నారు అధికారులు. ఈ నేపథ్యం లో కలెక్టర్‌ కార్యాలయం లోని ఓ గది కి చెందిన పై కప్పు ఉన్నట్టుండి కూలిపోయింది. దీంతో కలెక్టర్‌ కార్యాలయంలో ఉన్న సిబ్బంది మొత్తం షాక్‌ కు గురయ్యారు. అయితే.. ఈ ప్రమాదం జరిగిన సమయం లో అక్కడ ఎవరూ లేకపోవడంతో … ఎలాంటి ప్రాణ నష్టం జరుగలేదు. దీంతో అధికారులు ఊపిరి పీల్చుకున్నారు. అయితే.. ఈ ప్రమాదం జరిగిన సమయంలో అనంతపురం కలెక్టర్‌… కొత్త చెరువు మండలం పర్యటనలో ఉన్నారు. ప్రస్తుతం ఈ ప్రమాదంపై కలెక్టర్‌ ఆరా తీస్తున్నారు.