ఇది చంద్రబాబు పాలన కాదు జగన్ పాలన : పేర్ని నాని

వైసీపీకి చెందిన దళిత కార్యకర్తను టీడీపీ మాజీ ఎమ్మెల్యే బీసీ జనార్దన్ రెడ్డి హత్యాయత్నం చేశారు. అరాచకాలు చేస్తోన్న బీసీ జనార్దన్ రెడ్డిపై కేసులు పెట్టకూడదా అని మంత్రి పేర్ని నాని అన్నారు. ఇది చంద్రబాబు పాలన కాదు జగన్ పాలన అనేది గుర్తుంచుకోవాలి. అరాచకం చేసిన బీసీ జనార్దన్ రెడ్డిని చంద్రబాబు వెనకేసుకు రావడం సబబా..? చంద్రబాబుకు చెంచాడు సిగ్గు లేదు.. చారెడు ఎగ్గు లేదు అని పేర్కొన్నారు. కోవిడ్ కష్ట కాలంలో చంద్రబాబు హైదరాబాదులో కూర్చొని రాజకీయ చేతబడి చేస్తున్నారు. జనం సొమ్మును అచ్చెన్నాయుడు హల్వా తిన్నట్టు తింటే కేసులు పెట్టకూడదా… సంగం డెయిరీ ఛైర్మన్ పదవికి రాజీనామా చేయమని చంద్రబాబు గతంలో ధూళిపాళను కోరింది నిజం కాదా.. సంగం డెయిరీ ఛైర్మన్ పదవికి రాజీనామా చేస్తే మంత్రి పదవి ఇస్తానని చంద్రబాబు చెప్పలేదా అని అడిగారు.

లక్ష జీవాలను చంపిన నక్క ముసలి తనంలో నీతులు చెప్పినట్టుంది చంద్రబాబు తీరు. లోకేష్ హెరిటేజ్ బేబీ. రాష్ట్రంలో సహకార డెయిరీ వ్యవస్థను నాశనం చేసింది చంద్రబాబే. రఘు రామకృష్ణం రాజుకు చంద్రబాబుకు ఏం సంబంధం అని ప్రశ్నించిన ఆయన ప్రతి కేసునూ రఘు రామకృష్ణం రాజు కేసులా ముగిద్దామని చంద్రబాబు సిగ్గు లేకుండా కార్యకర్తలకు చెబుతున్నారు. కానీ భవిష్యత్తులో టీడీపీ అధికారంలోకి రాదు అని తెలిపారు.