వైసీపీకి ప్రచారం చేసిన.. కత్తి మహేశ్ కోసం ఒక్క ఎమ్మెల్యే రాలేదు

సినీ నటుడు, క్రిటిక్ కత్తి మహేశ్ రోడ్డు ప్రమాదానికి గురై, చెన్నైలోని అపోలో ఆసుపత్రిలో చికిత్స పొందుతూ మృతి చెందిన సంగతి తెలిసిందే. అయితే ఆయన మృతి పట్ల ఎమ్మార్పీఎస్ అధినేత మంద కృష్ణ మాదిగ అనుమానాలు వ్యక్తం చేశారు. ‘కత్తి మహేష్ మరణం ద్వారా ఆయనికి శత్రువులు ఉన్నారని రుజువు అయ్యిందన్నారు. ఆయన చనిపోయిన తర్వాత కూడా సోషల్ మీడియాలో దారుణమైన పోస్టులు పెడుతున్నారని ఆవేదన వ్యక్తం చేశారు.

కారులో ముందు సీట్లో కూర్చున్న కత్తి మహేశ్ చనిపోయాడని… అదే కారులో పక్కనే కూర్చున్న వ్యక్తికి చిన్న గాయం కూడా కాలేదని అన్నారు. ప్రాణహాని లేదని చెన్నైకి తరలించారు. రెండు కళ్ళలో ఒకటి తీసివేస్తామని చెప్పారు. కళ్ళు తప్ప ఎక్కడా గాయాలు లేనప్పుడు ఎలా చనిపోయారు? అని మంద కృష్ణ మాదిగ అనుమానాలు వ్యక్తం చేస్తున్నారు. 15 రోజులుగా సమస్య ఉత్పన్నం కానప్పుడు… ఐదు నిమిషాల ముందే ఎలా సమస్య వచ్చిందన్నారు. ప్రాణహాని లేదంటూనే ప్రాణం ఎలా పోయింది? అంటూ ప్రశ్నించారు. కత్తి మహేష్ మృతిపై సిట్టింగ్ జడ్జితో విచారణ జరిపించాలని కోరారు.

జగన్మోహన్ రెడ్డి ఏపీ ముఖ్యమంత్రి కావాలని కత్తి మహేశ్ బాగా ప్రచారం చేశారు. తిరుపతి ఉపఎన్నికల్లో వైసీపీ గెలుపు కోసం కత్తి మహేష్ కృషి చేస్తే… ఆయన అంత్యక్రియలకు ఒక్క వైసీపీ ఎమ్మెల్యే కూడా రాలేదన్నారు. మేము ఎక్కడైనా కరివేపాకులమే అని దీంతో అర్థం అయ్యింది’ అంటూ మంద కృష్ణ మాదిగ తెలిపారు.