Jogi Ramesh: నకిలీ మద్యంపై జోగి రమేశ్ ఆసక్తికర వ్యాఖ్యలు..

Jogi Ramesh: నిన్న ఒక వీడియో చాట్ చేశారని రిలీజ్ చేశారు.. దానిపై చర్చా వేదికలు నడిపారు అని వైసీపీ మాజీమంత్రి జోగి రమేశ్ పేర్కొన్నారు. నా ఫోన్ నుంచి ఎప్పుడైనా, ఎక్కడైనా జనార్ధన్ రావుతో చాట్ చేశామని నిరూపిస్తే ఏ శిక్షకు అయినా సిద్ధమని సవాల్ విసిరారు. నేను లై డిటెక్టర్ పరీక్షలకు కూడా సిద్ధంగా ఉన్నా.. చంద్రబాబు, లోకేష్ సిద్ధమా అని అడిగా సమాధానం లేదు.. నా భార్యాబిడ్డలను తీసుకుని తిరుమల వెంకన్న దగ్గరకు వచ్చి ప్రమాణం చేసి చేస్తానన్నారు. చంద్రబాబు, లోకేష్ మీ కుటుంబ సభ్యులతో వచ్చి నేను తప్పు చేశానని చెప్తారా అని ప్రశ్నించారు. మీరు అక్కడ దాకా రాలేక పోతే కనకదుర్గమ్మ గుడి దగ్గరకు అయినా వస్తా.. లేకపోతే నేనే చంద్రబాబు ఇంటికి వస్తా.. మీ ఇంట్లోనే భగవద్గీత మీద ప్రమాణం చేసి చెప్పే ధైర్యం మీకు ఉందా అని జోగి రమేశ్ మండిపడ్డారు.

Read Also: Yogi Adityanath: దీపావళికి అంతరాయం కలిగిస్తే జైలుకే.. సీఎం యోగి స్ట్రాంగ్ వార్నింగ్..

అయితే, కూటమి ప్రభుత్వం, చంద్రబాబు ఎంత దిగజారిపోయారంటూ వైసీపీ నేత జోగి రమేశ్ తీవ్రంగా మండిపడ్డారు. ఒక బలహీన వర్గాలకు చెందిన వ్యక్తిని అణగదొక్కాలని చూస్తున్నారు.. మీకు కుటుంబం ఉంది.. నాకు కుటుంబం ఉంది.. ఒక ముఖ్యమంత్రి స్థాయి వ్యక్తి ఇంత దిగజారాలా.. ఇబ్రహీంపట్నంలో ఏఏ ఫ్యాక్టరీ గురించి నేనే చూపించి బయట పెడితే తిరిగి నా మీదే ఆరోపణలు చేస్తున్నారు.. కూటమి ప్రభుత్వాన్ని అప్రతిష్ట పాలు చేస్తున్నామన్నారు.. దీంట్లో పవన్ ను, బీజేపీని కలుపుకోరు.. నారా వారి సారాను ఏరులై పారిస్తున్నారు.. మా అధినేతను అయ్యన్నపాత్రుడు కారుకూతలు కూస్తే అప్పుడు మీ ఇంటికి వచ్చా.. నా మీద కేసులు పెట్టాలని చూసారు.. ఆఫ్రికా నుంచి జనార్ధన్ వచ్చినప్పటి నుంచి ఇప్పటి వరకు ఎక్కడైనా నా పేరు ఉందా అని జోగి రమేశ్ క్వశ్చన్ చేశారు.

Read Also: Balasaraswathi: గాన పితామహి బాలసరస్వతి ఇక లేరు..

ఇక, ఒక పక్క ఫోన్ పోయింది అంటారు.. మరోపక్క అదే చొక్కాతో తీసిన వీడియో రిలీజ్ చేస్తారని మాజీ మంత్రి రమేశ్ విమర్శించారు. ముఖ్యమంత్రి తన స్థాయిని తగ్గించుకుని ఇలాంటి తప్పుడు పనులు చేస్తున్నారు.. నా మీద కుట్రలు పన్నినా పైన దేవుడు ఉన్నాడు.. నా కులానికి సంబంధించిన వ్యక్తులకు ఉన్న వాస్తవాలు చెప్తే మిగతా వాళ్ళకు ఎందుకు.. ఇలాంటి మాటలు మాట్లాడిన వాళ్లకు జోగి రమేష్ ఏంటో తెలియదా.. చంద్రబాబు స్క్రిప్ట్ రాసిస్తాడు.. మావాళ్ళు కొందరు తిడతారని ముందే చెప్పా.. వాళ్ళు ఇంటికి వెళ్ళిన తర్వాత ఇంట్లో వాళ్ళే వాళ్ళను తిడతారు.. జోగి రమేష్ ఎలాంటి వాడో మా వాళ్లందరికీ తెలుసు అని చెప్పుకొచ్చారు.